ഏദന് – മധ്യ യെമനിലെ ഇബ്ബ് ഗവര്ണറേറ്റിന് പടിഞ്ഞാറുള്ള ഫര്അ് അല്ഉദൈന് ജില്ലയിലെ സാറ ഗ്രാമത്തില് ഇടിമിന്നലേറ്റ് അഞ്ചംഗ കുടുംബം മരിച്ചു. ദമ്പതികളും മൂന്നു കുട്ടികളുമാണ് മരിച്ചത്. കനത്ത മഴക്കിടെ വീട്ടിലെ ഒരു മുറിയില് ഒത്തുകൂടിയിരിക്കുന്നതിനിടെയാണ് ഇവര്ക്ക് മിന്നലേറ്റത്. അഞ്ചു പേരും തല്ക്ഷണം മരിച്ചതായി പ്രാദേശിക സ്രോതസ്സുകള് അറിയിച്ചു. സംഭവത്തെ കുറിച്ച് അന്വേഷണം നടത്തണമെന്ന് പ്രദേശവാസികള് ബന്ധപ്പെട്ട വകുപ്പുകളോട് ആവശ്യപ്പെട്ടതായി പ്രാദേശിക മാധ്യമങ്ങള് റിപ്പോര്ട്ട് ചെയ്തു. ആവശ്യമായ സുരക്ഷാ നടപടികള് പാലിക്കാതെ വീടിനടുത്ത് പ്രാദേശിക കമ്പനിയുടെ മൊബൈല് ഫോണ് ടവര് സ്ഥാപിച്ചതാണ് കുടുംബത്തിന് മിന്നലേല്ക്കാന് കാരണമായതെന്ന് പ്രദേശവാസികള് വ്യക്തമാക്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group