അത്‌മോർ (അലബാമ) – 1998-ൽ മോഷണശ്രമത്തിനിടെ ഡെലിവറി ഡ്രൈവറെ വെടിവെച്ചുകൊന്ന കുറ്റത്തിന് ശിക്ഷിക്കപ്പെട്ട പ്രതിയുടെ വധശിക്ഷ അലബാമയിൽ നടപ്പാക്കി. തെക്കുപടിഞ്ഞാറൻ അലബാമയിലെ വില്യം സി. ഹോൾമാൻ കറക്ഷണൽ ഫെസിലിറ്റിയിൽ 64 കാരനായ കീത്ത് എഡ്മണ്ട് ഗാവിന്റെ സിരകളിലേക്ക് വിഷ മിശ്രിതം കുത്തിവെച്ചാണ് ശിക്ഷ നടപ്പാക്കിയത്. 6.32 നു മരണം സ്ഥിരീകരിച്ചതായി അധികൃതർ പറഞ്ഞു.അലബാമയിൽ ഈ വർഷം നടപ്പാക്കുന്ന രണ്ടാമത്തെ വധശിക്ഷയാണിത്.
1998 മാർച്ച് 6-ന് ചെറോക്കി കൗണ്ടിയിൽ കൊറിയർ സർവീസ് ഡ്രൈവർ വില്യം ക്ലേട്ടൺ ജൂനിയർ (68) വെടിയേറ്റ് മരിച്ച സംഭവത്തിൽ കൊലപാതക കുറ്റം ചുമത്തിയാണ് ഇദ്ദേഹത്തെ അറസ്റ്റ് ചെയ്തത്. “വധശിക്ഷ ലഭിച്ചതിന് ശേഷം, നിരവധി തവണ അപ്പീൽ നൽകിയെങ്കിലും എല്ലാം കോടതി തള്ളി.
കൊല്ലപ്പെട്ട മിസ്റ്റർ ക്ലേട്ടൻ്റെ പ്രിയപ്പെട്ടവർക്ക് നീതി ലഭിച്ചുവെന്ന് ” അലബാമ ഗവർണർ കേ ഐവി പ്രസ്താവനയിൽ പറഞ്ഞു. “ഇത്രയും വർഷങ്ങൾക്ക് ശേഷവും അദ്ദേഹത്തിൻ്റെ നഷ്ടത്തിൽ വിലപിക്കുന്ന മിസ്റ്റർ ക്ലേട്ടൻ്റെ കുടുംബത്തിനും സുഹൃത്തുക്കൾക്കും വേണ്ടി ഞാൻ എൻ്റെ പ്രാർത്ഥനകൾ അർപ്പിക്കുന്നുവെന്നും പ്രസ്താവന കൂട്ടിച്ചേർത്തു.
വധശിക്ഷ സ്റ്റേ ചെയ്യാനുള്ള ഗാവിൻ്റെ അപേക്ഷ യുഎസ് സുപ്രീം കോടതി നിരസിച്ചതിന് തൊട്ടുപിന്നാലെയാണ് വധശിക്ഷ നടപടി ആരംഭിച്ചത്. വധശിക്ഷകളിൽ നൈട്രജൻ വാതകം ഉപയോഗിക്കുന്നതിന് അലബാമ അടുത്തിടെയാണ് അംഗീകാരം നൽകിയത്.