കോഴിക്കോട്: സൂപ്പര്‍ ലീഗ് കേരളയുടെ പ്രഥമ എഡിഷന്റെ സെമി ലൈനപ്പ് ആയി. ആദ്യ സെമിയില്‍ തിരുവനന്തപുരം കൊമ്പന്‍സ് കാലിക്കറ്റ് എഫ്‌സിയെ നേരിടും. കാലിക്കറ്റ് എഫ്‌സ് ലീഗില്‍ ഒന്നാം സ്ഥാനക്കാരാണ്. കഴിഞ്ഞ ദിവസം മഞ്ചേരി പയ്യനാട് നടന്ന നിര്‍ണ്ണായക പോരാട്ടത്തില്‍ മലപ്പുറത്തെ 2-2 സമനിലയിലാണ് കൊമ്പന്‍സ് പിടിച്ചുകെട്ടിയത്. 10 മല്‍സരത്തില്‍ നിന്ന് കൊമ്പന്‍സിന് 13 പോയിന്റാണ് ഉള്ളത്. മലപ്പുറത്തിന് 10 പോയിന്റും മാത്രമാണുള്ളത്.
മലപ്പുറത്തിനായി കഴിഞ്ഞ ദിവസം അലക്‌സിസ് സാഞ്ചസ് രണ്ട് ഗോള്‍ നേടി. തിരുവനന്തപുരം കൊമ്പന്‍സിനായി ഓട്ടിമര്‍ ബിസ്‌പൊ, പോള്‍ ഹമര്‍ എന്നിവരും സ്‌കോര്‍ ചെയ്തു. കൊമ്പന്‍സും കാലിക്കറ്റും തമ്മിലുള്ള ആദ്യ സെമി ഈ മാസം അഞ്ചാം തിയ്യതി നടക്കും. ആറാം തിയ്യതി നടക്കുന്ന രണ്ടാം സെമിയില്‍ കണ്ണൂര്‍ വാരിയേഴ്‌സ് ഫോഴ്‌സാ കൊച്ചിയെ നേരിടും. രണ്ട് സെമിയും കോഴിക്കോട് ഇഎംഎസ് സ്‌റ്റേഡിയത്തിലാണ് നടക്കുക. ഫൈനല്‍ ഈ മാസം 10നാണ്.