കൊല്‍ക്കത്ത: ഇന്ത്യന്‍ സൂപ്പര്‍ ലീഗില്‍ ഇന്ന് നടന്ന മല്‍സരത്തില്‍ ഈസ്റ്റ്ബംഗാളിനെ മുഹമ്മദന്‍സ് ഗോള്‍രഹിതസമനിലയില്‍ പിടിച്ചു. ലീഗില്‍ ഈസ്റ്റ് ബംഗാള്‍ 13ാം സ്ഥാനത്തും മുഹമ്മദന്‍സ് 12ാം സ്ഥാനത്തുമാണ്.ഈസ്റ്റ് ബംഗാളിന്റെ ലീഗിലെ ആദ്യ പോയിന്റാണ് സമനിലയിലൂടെ ലഭിച്ചത്.ഐഎസ്എല്ലിലെ 1001ാമത്തെ മല്‍സരമായിരുന്നു ഇത്.
ഇന്ന് നടന്ന മറ്റൊരു മല്‍സരത്തില്‍ മുംബൈ സിറ്റി ചെന്നൈയിന്‍ എഫ്‌സിയെ 1-1ന് പിടിച്ചുകെട്ടി. റയാന്‍ എഡ്വേര്‍ഡ്‌സാണ് ചെന്നൈയിനായി സ്‌കോര്‍ ചെയ്തത്. മുംബൈയ്ക്കായി 63ാം മിനിറ്റില്‍ നഥാന്‍ ആഷര്‍ റൊഡ്രിഗസ് സമനില ഗോള്‍ നേടി. ലീഗില്‍ ചെന്നൈയിന്‍ നാലാം സ്ഥാനത്താണ്.
മുംബൈ സിറ്റി എട്ടാം സ്ഥാനത്ത് നില്‍ക്കുന്നു. നോര്‍ത്ത് ഈസ്റ്റ് യുനൈറ്റഡാണ് മൂന്നാം സ്ഥാനത്ത്. ബ്ലാസ്‌റ്റേഴ്‌സ് 10ാം സ്ഥാനത്താണ്.നാളെ നടക്കുന്ന മല്‍സരത്തില്‍ ഒഡീഷ മോഹന്‍ ബഗാനെ നേരിടും.ഒഡീഷ ലീഗില്‍ ഒമ്പതാം സ്ഥാനത്താണ്. മോഹന്‍ ബഗാന്‍ രണ്ടാം സ്ഥാനത്താണ്.