ഫിഫ അറബ് കപ്പ്; കുവൈത്തിനെ തകർത്ത് ജോർദാൻ

ദോഹ– ഫിഫ അറബ് കപ്പിൽ കുവൈത്തിനെ തകർത്ത് ആദ്യമായി ലോകകപ്പ് കളിക്കാൻ പോകുന്ന ജോർദാൻ. ഒന്നിന് എതിരെ മൂന്ന് ഗോളുകൾക്കാണ് ജോർദാൻ കുവൈത്തിനെ തകർത്തത്. മഹമൂദ് അബു താഹ (17-ാം മിനുറ്റ് ), സഈദ് അൽ റോസാൻ (49), അലി ഒൽവാൻ ( 90+7 പെനാൽറ്റി ) എന്നിവർ ജോർദാനിന് വേണ്ടി വല കുലുക്കിയപ്പോൾ കുവൈത്തിന് വേണ്ടി ആശ്വാസ ഗോൾ നേടിയത് പകരക്കാരനായി ഇറങ്ങിയ യൂസഫ് അൽ സുലൈമാനാണ്. 84-ാം മിനുറ്റിലാണ് താരം ടീമിന്റെ ഏക ഗോൾ നേടിയത്.

ഗ്രൂപ്പ്‌ റൗണ്ടിൽ രണ്ടു മത്സരങ്ങളും ജയിച്ച ജോർദാൻ ആറു പോയിന്റുമായി ഏകദേശം ക്വാർട്ടർ ഫൈനൽ ഉറപ്പിച്ചു. ഒരു പോയിന്റ് മാത്രമുള്ള കുവൈത്ത് മൂന്നാമതാണ്. ഇന്ന് നടക്കുന്ന മറ്റൊരു മത്സരത്തിൽ ഈജിപ്ത് യുഎഇയെ നേരിടും.