പാരിസ്: യുവേഫാ നാഷന്സ് ലീഗില് വമ്പന്മാര്ക്ക് ജയം. ഫ്രാന്സ്, ഇറ്റലി, ജര്മ്മനി എന്നിവര് ജയം രുചിച്ചപ്പോള് നെതര്ലന്റസ്, ബെല്ജിയം എന്നിവര് തോല്വി വഴങ്ങി. ഗ്രൂപ്പ് രണ്ടില് നടന്ന മല്സരത്തില് ഫ്രാന്സ് ബെല്ജിയത്തെ 2-1ന് പരാജയപ്പെടുത്തി. ഫ്രാന്സിനായി കോളോ മുആനി ഇരട്ട ഗോള് നേടി.നെതര്ലന്റസിനെതിരേ ജര്മ്മനി ഒരു ഗോളിന്റെ ജയം നേടി. ലോവ്ലിങാണ് ജര്മ്മനിയുടെ ഏക ഗോള് നേടി. ഇസ്രായേലിനെതിരേ ഇറ്റലി 4-1ന്റെ ജയം വരിച്ചു.
ഗ്രൂപ്പ് ഒന്നില് നടന്ന മറ്റ് മല്സരങ്ങളില് സ്ലൊവാക്കിയ അസെര്ബെയ്ജാനെ 3-1ന് വീഴ്ത്തി. ജോര്ജ്ജിയയെ അല്ബേനിയ ഒരു ഗോളിന് പരാജയപ്പെടുത്തി. സ്വീഡന് എസ്റ്റോണിയയെ എതിരില്ലാത്ത മൂന്ന് ഗോളിന് കീഴ്പ്പെടുത്തി. ഉക്രെയ്ന്-ചെക്ക് റിപ്പബ്ലിക്ക് മല്സരം 1-1 സമനിലയില് കലാശിച്ചു.
ഗ്രൂപ്പ് മൂന്നില് ഹങ്കറി ബോസ്നിയയെ എതിരില്ലാത്ത രണ്ട് ഗോളിന് പരാജയപ്പെടുത്തി. ഗ്രൂപ്പ് നാലില് തുര്ക്കി 4-2ന് ഐസ് ലാന്റിനെ വീഴ്ത്തി. മൊണ്ടനെഗ്രോയെ വെയ്ല്സ് ഒരു ഗോളിന് മുട്ടുകുത്തിച്ചു.
കഴിഞ്ഞ ദിവസം നടന്ന അന്താരാഷ്ട്ര സൗഹൃദ മല്സരത്തില് മലേസ്യയെ ന്യൂസിലന്റ് 4-0ത്തിന് പരാജയപ്പെടുത്തി.