പ്രളയത്തിൽപെട്ട കാറിൽ കുടുങ്ങിയവരെ സൗദി യുവാവ് സാഹസികമായി രക്ഷിച്ചു; വീഡിയോ വൈറൽ

മക്ക: ദക്ഷിണ മക്കയിൽ മലവെള്ളപ്പാച്ചിൽ പെട്ട കാറിൽ കുടുങ്ങിയ കുടുംബത്തെ സൗദി യുവാവ് ഖലഫ് അൽഉതൈബി അബൂഅസ്സാഫ് സാഹസികമായി രക്ഷിച്ചു.

മലവെള്ളപ്പാച്ചിലിൽ പെട്ട് കല്ലിൽ തട്ടിനിന്ന സൗദി കുടുംബത്തിന്റെ കാർ തന്റെ ഫോർവീൽ കാർ ഉപയോഗിച്ച് ഖലഫ് അൽഉതൈബി തള്ളി മാറ്റുകയായിരുന്നു. ഇതോടെ കുടുംബത്തിന്റെ കാർ നീങ്ങുകയും ഡ്രൈവർ ദിശതിരിച്ച് പിന്നിലേക്കെടുത്ത് കാർ സുരക്ഷിതമായി കരയിലേക്ക് കയറ്റുകയുമായിരുന്നു. ഇതിന്റെ ദൃശ്യങ്ങൾ അടങ്ങിയ വീഡിയോ സമൂഹമാധ്യമങ്ങളിൽ വൈറലായി.