ട്രംപിന് നേരെയുള്ള വധശ്രമത്തെ അപലപിച്ച്സൗദി അറേബ്യ

ജിദ്ദ – മുന്‍ അമേരിക്കന്‍ പ്രസിഡന്റ് ഡൊണാള്‍ഡ് ട്രംപിനു നേരെയുണ്ടായ വധശ്രമത്തെ സൗദി അറേബ്യ അപലപിച്ചു. അമേരിക്കയോടും മുന്‍ പ്രസിഡന്റിനോടും അദ്ദേഹത്തിന്റെ കുടുംബത്തോടും സമ്പൂര്‍ണ ഐക്യദാര്‍ഢ്യം പ്രഖ്യാപിക്കുന്നതായും സൗദി അറേബ്യ പറഞ്ഞു. എല്ലാ തരത്തിലുമുള്ള അക്രമണങ്ങളെ സൗദി അറേബ്യ നിരാകരിക്കുന്നു. ആക്രമണത്തില്‍ മരിച്ചയാളുടെ കുടുംബത്തെയും അമേരിക്കന്‍ ജനതയെയും അനുശോചനം അറിയിക്കുന്നതായും സൗദി വിദേശ മന്ത്രാലയം പറഞ്ഞു.