പാലക്കാട് തെരഞ്ഞെടുപ്പിൽ മത്സരിക്കാനില്ല, യു.ഡി.എഫിനൊപ്പം തുടരും- രമേശ് പിഷാരടി

തിരുവനന്തപുരം- തെരഞ്ഞെടുപ്പ് മത്സരരംഗത്തേക്ക് ഉടനെയില്ലെന്നും പാലക്കാട്ട് ഉപതെരഞ്ഞെടുപ്പിൽ താൻ മത്സരിക്കുമെന്ന പ്രചാരണം ശരിയല്ലെന്നും നടനും സംവിധായകനുമായ രമേശ് പിഷാരടി. പാലക്കാട്, വയനാട്, ചേലക്കര ഉപതെരഞ്ഞെടുപ്പുകളിൽ യു.ഡി.എഫ് സ്ഥാനാർത്ഥികൾക്കൊപ്പം ശക്തമായി തുടരുമെന്നും രമേശ് പിഷാരടി വ്യക്തമാക്കി.

വടകര ലോക്സഭ മണ്ഡലത്തിൽനിന്ന് തെരഞ്ഞെടുക്കപ്പെട്ടതിനെ തുടർന്ന് പാലക്കാട് നിയമസഭ മണ്ഡലത്തിൽ ഉപതെരഞ്ഞെടുപ്പ് നടക്കാനിരിക്കുകയാണ്. ഇവിടെ രമേശ് പിഷാരടി മത്സരിച്ചേക്കുമെന്ന് ഒരു ചാനൽ വാർത്ത പ്രസിദ്ധീകരിച്ചിരുന്നു. ഇതിനുള്ള വിശദീകരണവുമായാണ് പിഷാരടി രംഗത്തെത്തിയത്.