ന്യൂയോർക്ക്- അമേരിക്കയിൽ പാസഞ്ചർ വിമാനവും സൈനിക വിമാനവും കൂട്ടിയിച്ച് നിരവധി പേർ മരിച്ചു. ഇതേവരെ പതിനെട്ട് മൃതദേഹങ്ങൾ കണ്ടെടുത്തു. പാസഞ്ചർ ജെറ്റിൽ 64 പേരും സൈനിക ഹെലികോപ്റ്ററിൽ മൂന്ന് സൈനികരും ഉണ്ടായിരുന്നു. ബുധനാഴ്ച രാത്രി റീഗൻ വാഷിംഗ്ടൺ നാഷണൽ എയർപോർട്ടിന് സമീപം ആകാശത്താണ് വിമാനങ്ങൾ കൂട്ടിയിടിച്ചത്. അമേരിക്കൻ എയർലൈൻസ് റീജിയണൽ പാസഞ്ചർ ജെറ്റും യുഎസ് ആർമി ബ്ലാക്ക് ഹോക്ക് ഹെലികോപ്റ്ററും കൂട്ടിയിടിച്ച് പൊട്ടോമാക് നദിയിൽ തകർന്നു വീഴുകയായിരുന്നു.
ഇതുവരെ 18 മൃതദേഹങ്ങൾ കണ്ടെടുത്തതായി സി.ബി.എസ് ന്യൂസ് റിപ്പോർട്ട് ചെയ്തു. നിരവധി മൃതദേഹങ്ങൾ വെള്ളത്തിൽ നിന്ന് പുറത്തെടുത്തതായും റിപ്പോർട്ടുണ്ട്. ജെറ്റിൽ 64 പേർ ഉണ്ടായിരുന്നതായി അമേരിക്കൻ എയർലൈൻസ് സ്ഥിരീകരിച്ചു: 60 യാത്രക്കാരും നാല് ജീവനക്കാരുമാണ് വിമാനത്തിലുണ്ടായിരുന്നത്.
സംഭവത്തെക്കുറിച്ച് ഉദ്യോഗസ്ഥരിൽ നിന്ന് വളരെക്കുറച്ച് വിവരങ്ങൾ മാത്രമേ ലഭിക്കുന്നുള്ളൂവെന്നും മാധ്യമങ്ങളിൽനിന്നാണ് സംഭവത്തെക്കുറിച്ച് കൂടുതൽ അറിയുന്നതെന്നും പറഞ്ഞു. ലാന്റ് ചെയ്യാൻ ഇരുപത് മിനിറ്റ് മാത്രം ശേഷിക്കേയാണ് വിമാനം അപകടത്തിൽപ്പെട്ടത്.