ദോഹ: ഗൾഫ് മേഖലയിലെ ഇവന്റ് സംഘാടനത്തിലെ പ്രമുഖൻ ഹരി നായർ ഖത്തറിൽ നിര്യാതനായി. ഇവന്റ് ഓഡിയോ വിഷ്വൽ രംഗത്തെ പ്രമുഖൻ ഹരി നായരാണ് (50) ഇന്നലെ രാത്രി ദോഹയിൽ മരണപെട്ടത്. ഖത്തറും യു.എ.ഇയും ഉൾപ്പെടെ വിവിധ ഗൾഫ് രാജ്യങ്ങളിൽ വലിയ സ്റ്റേജ് ഷോകൾക്ക് ഓഡിയോ വിഷ്വൽ സംവിധാനം ഒരുക്കിയിട്ടുണ്ട്. അസുഖത്തെ തുടർന്ന് .ഖത്തറിൽ ചികിത്സയിലിരിക്കെ വെള്ളിയാഴ്ച രാത്രി ഹമദ് ആശുപത്രിയിലാണ് അന്ത്യം സംഭവിച്ചത്. പാലക്കാട് കല്ലടി സ്വദേശിയാണ്.
നേരത്തെ ദുബൈ ആസ്ഥാനമായ മീഡിയ പ്രോ ഇന്റർനാഷണലിൽ പ്രവർത്തിച്ചിരുന്നു. യു.എ.ഇയിൽ നിരവധി വൻകിട സ്റ്റേജ് പരിപാടികളുടെ മുൻപന്തിയിൽ പ്രവർത്തിച്ചിരുന്നു. ശേഷം ഖത്തറിൽ ക്ലാർക്ക് എ.വി.എൽ മാനേജിങ് പാർട്ണറുമായി പ്രവർത്തിക്കുകയായിരുന്നു. ഖത്തറിൽ ഫിഫ ലോകകപ്പ് ഫുട്ബാളിന്റെ വിവിധ ഫാൻ ഷോകൾ, ബ്രയാൻ ആഡംസ്,എ.ആർ റഹ്മാൻ എന്നിവർ ഉൾപ്പെടെ വമ്പൻ സംഗീത പരിപാടികൾ എന്നിവയിലൂടെ ഓഡിയോ വിഷ്വൽ പ്രൊഡക്ഷനുകൾക്ക് നേതൃത്വം നൽകി ശ്രദ്ധേയനായിരുന്നു. ഫിഫ ലോകകപ്പ് ഫാൻ സോൺ ഉൾപ്പെടെ ശ്രദ്ധേയമായ പ്രൊഡക്ഷൻ പ്രവർത്തനങ്ങളിലും പങ്കാളിയായി. അസുഖബാധിതനായി ഏതാനും ദിവസമായി ഹമദ് മെഡിക്കൽ കോർപ്പറേഷൻ ആശുപത്രിയിൽ ചികിത്സയിൽ ആയിരുന്നു. നടപടികൾ പൂർത്തിയാക്കിയ ശേഷം മൃതദേഹം നാട്ടിലെത്തിക്കും.