ആളുകളുടെ സ്വകാര്യത ലംഘിക്കുന്ന വീഡിയോ പ്രചരിപ്പിച്ച വിദേശി അറസ്റ്റിൽ

ജിദ്ദ: ആളുകളുടെ സ്വകാര്യത ലംഘിക്കുന്ന വീഡിയോ ചിത്രീകരിച്ച് സമൂഹമാധ്യമങ്ങളിലൂടെ പ്രചരിപ്പിച്ച വിദേശിയെ ജിദ്ദ പോലീസ് അറസ്റ്റ് ചെയ്തു.
നിയമാനുസൃത ഇഖാമയിൽ സൗദിയിൽ കഴിയുന്ന ഇന്തോനേഷ്യൻ യുവാവാണ് സൈബർ ക്രൈം വിരുദ്ധ നിയമം ലംഘിക്കുകയും സ്വകാര്യത ലംഘിക്കുന്ന വീഡിയോ ചിത്രീകരിച്ച് പ്രചരിപ്പിക്കുകയും ചെയ്തത്. നിയമാനുസൃത നടപടികൾ സ്വീകരിച്ച് പ്രതിയെ പബ്ലിക് പ്രോസിക്യൂഷന് കൈമാറിയതായി പൊതുസുരക്ഷാ വകുപ്പ് അറിയിച്ചു.