ജിദ്ദ – വിദേശത്തു നിന്ന് മയക്കുമരുന്ന് കടത്തി സൗദിയില്‍ വിതരണം ചെയ്യുന്ന അഞ്ചംഗ സംഘത്തെ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു. നാലു ഈജിപ്തുകാരും ഒരു സൗദി പൗരനുമാണ് അറസ്റ്റിലായത്.
തേനീച്ച കൂട് ഇറക്കുമതി മേഖലയില്‍ പ്രവര്‍ത്തിക്കുന്ന സ്ഥാപനം വഴി ഇറക്കുമതി ചെയ്യുന്ന തേനീച്ച കൂടുകളില്‍ ഒളിപ്പിച്ച് ലഹരി ഗുളികകള്‍ സൗദിയിലേക്ക് കടത്തി കോള്‍ഡ് സ്‌റ്റോറേജ് വാഹനത്തില്‍ ജിസാന്‍ പ്രവിശ്യയിലെ അല്‍ദര്‍ബിലെത്തിച്ച് വിതരണം ചെയ്യുകയും വില്‍ക്കുകയുമാണ് സംഘം ചെയ്തിരുന്നത്. നിയമാനുസൃത നടപടികള്‍ സ്വീകരിച്ച് പ്രതികളെ പബ്ലിക് പ്രോസിക്യൂഷന് കൈമാറിയതായി ആഭ്യന്തര മന്ത്രാലയ വൃത്തങ്ങള്‍ അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group