ഹജ് സീസണിൽ മക്കയിലേക്ക് പ്രവേശനം, പെർമിറ്റുകൾ ഓൺലൈൻ വഴി

മക്ക: ഹജ്ജ് സീസണിൽ മക്കയിലേക്ക് പ്രവേശിക്കുന്നതിന് പ്രവാസികൾ അടക്കമുള്ളവർക്കുള്ള എൻട്രി പെർമിറ്റുകൾ ഓൺലൈനിൽ ലഭ്യമായി തുടങ്ങി. (മക്ക ആസ്ഥാനമായുള്ള സ്ഥാപനങ്ങളിലെ തൊഴിലാളികൾക്കാണ് ഇത്തരത്തിൽ അനുമതി നൽകുന്നത്) ജവാസാത്ത് ഓഫീസുകൾ നേരിട്ട് സന്ദർശിക്കാതെ തന്നെ പെർമിറ്റ് ലഭ്യമാകും. ആഭ്യന്തര മന്ത്രാലയത്തിൻ്റെ ഇലക്ട്രോണിക് പ്ലാറ്റ്‌ഫോമായ അബ്ഷിർ,മുഖീം പോർട്ടലുകൾ വഴിയാണ് അനുമതി നൽകുന്നത്.

മക്ക ആസ്ഥാനമായുള്ള സ്ഥാപനങ്ങളിലെ തൊഴിലാളികൾക്കും സീസണൽ വർക്ക് വിസയുള്ളവർക്കും അജീർ സംവിധാനത്തിൽ രജിസ്റ്റർ ചെയ്ത സ്ഥാപനങ്ങളിലെ കരാറുകാർക്കും മുഖീം ഇലക്ട്രോണിക് പോർട്ടൽ വഴിയാണ് ഹജ്ജ് സീസണിൽ മക്കയിൽ പ്രവേശിക്കാനുള്ള അനുമതി നൽകുന്നത്.