തൃശൂരും പാലക്കാട്ടും ഭൂചലനം

തൃശൂർ: തൃശൂർ, പാലക്കാട് ജില്ലകളിൽ ഭൂചലനം. തൃശൂരിൽ കുന്ദംകുളം, ഗുരുവായൂർ, എരുമപ്പെട്ടി കരിയന്നൂർ, നെല്ലിക്കുന്ന്, പഴുന്നാന, കടങ്ങോട്, ആനായ്ക്കൽ മേഖലകളിലാണ് ഭൂചലനം അനുഭവപ്പെട്ടത്. മൂന്നുമുതൽ നാലു സെക്കൻഡ് നീണ്ടുനിന്ന പ്രകമ്പനമാണ് അനുഭവപ്പെട്ടത്.
രാവിലെ 8.15ണ് ഭൂചലനം അനുഭവപ്പെട്ടത്. അടുക്കളയിലെ പാത്രങ്ങളും വീട്ടുപകരണങ്ങളും ഇളകി താഴെ വീണു. ആളുകൾ പരിഭ്രാന്തരായി വീട് വീട്ടോടി.
പാലക്കാട് തിരുമറ്റക്കോട് മേഖലയിലും ഭൂകമ്പം ഉണ്ടായി. 8.16നാണ് ഇവിടെ നേരിയ ഭൂചലനം അനുഭവപ്പെട്ടത്. തീവ്രത സംബന്ധിച്ച വിവരങ്ങൾ പുർണമായി ലഭിച്ചിട്ടില്ല. കഴിഞ്ഞ വർഷം ജില്ലയിലെ കല്ലൂർ, ആമ്പല്ലൂർ ഭാഗങ്ങളിൽ ഭൂചലനവും ഭൂമിക്കടിയിൽ മുഴക്കവും അനുഭവപ്പെട്ടിരുന്നു.