‘ഇടവേള ബാബുവിനോടൊപ്പമുള്ള വീഡിയോ പഴയത്; ഇപ്പോള്‍ കുത്തിപ്പൊക്കി മോശക്കാരിയാക്കുന്നു’ -നടി ശാലിൻ

തിരുവനന്തപുരം: ഇടവേള ബാബുവിനോടൊപ്പമുള്ള പഴയ വിഡിയോ ഇപ്പോള്‍ കുത്തിപ്പൊക്കി തന്നെ മോശക്കാരിയാക്കുന്നതായി നടി ശാലിൻ സോയ. സൈബർ ബുള്ളിയിങ്ങാണെന്നും മറുപടി പറഞ്ഞാൽ വീണ്ടും ട്രോൾ ആകുമെന്നും ശാലിൻ ഫെയ്സ്ബുക്കില്‍ കുറിച്ചു.

ഹേമാ കമ്മിറ്റി റിപ്പോർട്ടും തുടർന്നുണ്ടായ വിവാദങ്ങൾക്കുമിടെ ഈ വിഡിയോയും ട്രോൾ രൂപത്തിൽ വൈറലായി. ഇതോടെയാണ് ശാലിൻ വിശദീകരണവുമായി രംഗത്തെത്തിയത്.

വർഷങ്ങൾക്കു മുൻപ് ഒരു സിനിമയുടെ ചിത്രീകരണത്തിനിടയിൽ ചെയ്ത ടിക് ടോക് വിഡിയോ ആയിരുന്നു അത്. അന്ന് ഈ പാട്ട് വൈറൽ ആയിരുന്നു. അപ്പോൾ ആ പാട്ടിൽ പേരുള്ള ഇടവേള ബാബുവിന്റെ കൂടെ വിഡിയോ ചെയ്താൽ നന്നായിരിക്കും എന്ന് കരുതിയാണ് അതു ചെയ്തത്. ഇത്രയും കാലത്തിനുശേഷം ആ പഴയ വിഡിയോ കുത്തിപ്പൊക്കി എന്നെ മോശക്കാരിയാക്കുന്നത് സൈബർ ബുള്ളിയിങ്ങിന്റെ മറ്റൊരു തലമാണ് ശാലിന്‍ ഫെയ്സ്ബുക്കില്‍ കുറിച്ചു