വയനാട്: പഞ്ചാരക്കൊല്ലിയില് ചത്ത നിലയില് കണ്ടെത്തിയ കടുവയുടെ പോസ്റ്റ്മോര്ട്ടം പൂര്ത്തിയായി. കടുവയുടെ കഴുത്തില് ആഴമേറിയ നാല് മുറിവുകളുണ്ട്. ഇതാണ് മരണ കാരണം. ശരീരത്തില് ലോഹപാടുകള് ഒന്നുമില്ലെന്നും ചീഫ് വൈല്ഡ് ലൈഫ് വാര്ഡന് പ്രമോദ് ജി. കൃഷ്ണന് പ്രതികരിച്ചു.
വനം വകുപ്പിന്റെ ഡാറ്റബേസില് ഉള്ള കടുവയല്ല ചത്തത്. മറ്റൊരു കടുവയുമായി ഉള്ക്കാട്ടില് വെച്ച് നടന്ന ഏറ്റുമുട്ടലിലാണ് പരിക്കേറ്റതെന്നും ചീഫ് വൈല്ഡ് ലൈഫ് വാര്ഡന് പറഞ്ഞു. കടുവയുടെ വയറ്റില് നിന്നും വസ്ത്രത്തിന്റെ അവശിഷ്ടങ്ങള് കണ്ടെത്തി. കൂടാതെ രണ്ട് കമ്മലുകളും തലമുടിയും ലഭിച്ചു.
തിങ്കളാഴ്ച രാവിലെ 6.30 നാണ് ഒരു വീടിന്റെ അരികില് നിന്നും കടുവയുടെ ജഡം കണ്ടെത്തിയത്. കണ്ടെത്തിയ ജഡം കഴിഞ്ഞ ദിവസം രാധയെ കൊലപ്പെടുത്തിയ കടുവയുടേതാണെന്ന് സ്ഥിരീകരിച്ചിരുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group