പാലക്കാട്– നാട്ടുകല്ലില്‍ ഒന്‍പതാം ക്ലാസുകാരിയുടെ ആത്മഹത്യയിൽ സ്‌കൂളിനെതിരെ ഗുരുതര ആരോപണവുമായി ബന്ധുക്കള്‍. ശ്രീകൃഷണപുരം സെന്റ് ഡൊമിനിക് സ്‌കൂളിലെ വിദ്യാര്‍ഥിനി ആശിര്‍നന്ദയാണ് തൂങ്ങി മരിച്ചത്. സ്‌കൂള്‍ അധികൃതരുടെ മാനസിക പീഠനമാണ് കുട്ടിയെ ആത്മഹത്യയിലേക്ക് നയിച്ചതെന്ന് കുടുംബം ആരോപിച്ചു. മാര്‍ക്ക് കുറഞ്ഞതിന്റെ പേരില്‍ കുട്ടിയെ ക്ലാസ് മാറ്റിയിരുത്തുകയും മാനസികമായി പീഡിപ്പിക്കുകയും ചെയ്തതായി ആരോപണമുണ്ട്. സമാന അനുഭവങ്ങളുമായി നിരവധി രക്ഷിതാക്കളും സ്‌കൂളിനെതിരെ രംഗത്തു വന്നിട്ടുണ്ട്. നാട്ടുകാരും ബന്ധുക്കളും ചേര്‍ന്ന് സ്‌കൂളിനെതിരെ ശക്തമായ പ്രതിഷേധത്തിലാണ്. വിദ്യാര്‍ഥിയുടെ മരണത്തെ തുടര്‍ന്ന് സ്‌കൂള്‍ പ്രധാനധ്യാപിക ഉള്‍പ്പെടെയുള്ളവരെ മാറ്റാതെ പിന്മാറുകയില്ലെന്ന് പ്രതിഷേധക്കാര്‍ അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group