തിരുവനന്തപുരം – കേരളം അടക്കം 12 സംസ്ഥാനങ്ങളിൽ വോട്ടർപട്ടിക പ്രത്യേക തീവ പരിശോധന ( എസ്ഐആർ) യുടെ സമയപരിധി തെരഞ്ഞെടുപ്പ് കമ്മീഷൻ നീട്ടി. പുതുക്കിയ തീയതി പ്രകാരം എന്യൂമറേഷൻ ഫോം നൽകേണ്ട അവസാന തീയതി ഡിസംബർ 11 ആണ്. മുമ്പ് ഡിസംബർ നാലായിരുന്നു അവസാന തീയതി. ഇത് പ്രകാരം ഡിസംബർ 16ന് ആകും പുതുക്കിയ കരട് പട്ടിക പ്രസിദ്ധീകരിക്കുക. 2026 ഫെബ്രുവരി പതിനാലിന് അന്തിമ വോട്ടർപട്ടികയും പ്രസിദ്ധീകരിക്കും. നിലവിൽ വിതരണം ചെയ്ത ഫോമുകളുടെ ഏകദേശം 75% ത്തിലധികം ഡിജിറ്റലൈസ് ചെയ്തതായി തെരഞ്ഞെടുപ്പ് കമ്മീഷൻ ഡോ. രത്തൻ യു. കേൽക്കർ വ്യക്തമാക്കി.
സമയപരിധി നീട്ടി നൽകണമെന്ന് ബിജെപി ഒഴികെയുള്ള രാഷ്ട്രീയപാർട്ടികൾ നിരന്തരമായി ആവശ്യപ്പെട്ടിരുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group