കൊച്ചി: പോലീസ് ഉദ്യോഗസ്ഥൻ ലൈംഗികമായി പീഡിപ്പിച്ചതായി വനിതാ ഡോക്ടറുടെ പരാതി. തൃശൂരിലെ ഇന്ത്യ റിസർവ് ബറ്റാലിയനിലെ പോലീസ് ഉദ്യോഗസ്ഥനെതിരെയാണ് കൊച്ചിയിലെ സ്വകാര്യ ആശുപത്രിയിലെ ഡോക്ടറായ യുവതി പീഡന പരാതി നൽകിയത്.
വിവാഹവാഗ്ദാനം നൽകിയതിനുശേഷം തിരുവനന്തപുരത്തെ ലോഡ്ജിൽ വച്ചായിരുന്നു പീഡനം. കഴിഞ്ഞ മാസമാണ് സംഭവം. ഒരു മാസത്തോളം ലോഡ്ജിൽ താമസിപ്പിച്ച് പീഡിപ്പിച്ചതായാണ് യുവതിയുടെ പരാതിയിലുളളത്.
സോഷ്യൽ മീഡിയ വഴിയാണ് പോലീസുകാരനെ യുവതി പരിചയപ്പെട്ടത്. അവിവാഹിതനാണെന്നാണ് പോലീസുകാരൻ പറഞ്ഞതെങ്കിലും പിന്നീട് ഭാര്യയും കുട്ടികളുമുണ്ടെന്ന് അറിയുകയായിരുന്നു-ഡോക്ടർ പരാതിയിൽ പറഞ്ഞു. ആരോപണവിധേയനായ ഇയാൾക്ക് മറ്റൊരു സ്ത്രീയുമായും ബന്ധമുണ്ടെന്നും പറയുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group