തിരുവനന്തപുരം– കാവിവല്‍ക്കരണം രാജ്ഭവനില്‍ ഒതുങ്ങാതെ സര്‍വകലാശാലകളിലേക്കും വ്യാപിപ്പിക്കാനൊരുങ്ങി ഗവര്‍ണര്‍. തെരഞ്ഞെടുപ്പ് അടുത്തതിനാല്‍ ഏറ്റുമുട്ടലിനില്ലെന്ന മട്ടില്‍ മൗനം പാലിച്ച് സംസ്ഥാന സര്‍ക്കാര്‍. സര്‍വകലാശാലകളില്‍ ഒഴിഞ്ഞു കിടക്കുന്ന അധ്യാപക നിയമനങ്ങളിലേക്കാണ് രാജ്ഭവന്‍ ലക്ഷ്യമിടുന്നത്. പുതിയ യു.ജി.സി റെഗുലേഷനോടെ സിന്‍ഡിക്കേറ്റംഗങ്ങളെ ഒഴിവാക്കി, പകരം വി.സിയും വിഷയ വിദഗ്ദരും വകുപ്പ് മേധാവിയുമടങ്ങുന്ന സെലക്ഷന്‍ കമ്മിറ്റിക്കാണ് അധ്യാപന നിയമനത്തിന്റെ ചുമതല.
14 സര്‍വകലാശാലകളില്‍ നിന്നുമുള്ള വി.സിമാരില്‍ പത്തോളം വി.സിമാരും രാജ്ഭവന്റെ താല്‍പര്യത്തിനൊത്ത് പ്രവര്‍ത്തിക്കുന്നവരാണ്. രാജ്ഭവനിലെ പരിപാടിയില്‍ ആര്‍.എസ്.എസ് നേതാവ് ഗുരുമൂര്‍ത്തിയുടെ പങ്കെടുപ്പിച്ചതില്‍ പ്രതിപക്ഷം ശക്തമായ പ്രതിഷേധം അറിയിച്ചിട്ടും സി.പി.എം പ്രതികണം മയത്തിലായിരുന്നു. പരിസ്ഥിതിദിനാഘോഷത്തിലെ ഭാരതാംബ വിവാദത്തില്‍ കൃഷിമന്ത്രി ചടങ്ങ് ബഹിഷ്‌കരിക്കുകയും നിരവധി പേര്‍ രൂക്ഷ വിമര്‍ശനവുമായി രാജ്ഭവനെതിരെ രംഗത്ത് വന്നിട്ടും മുഖ്യമന്ത്രി മൗനത്തില്‍ തുടര്‍ന്നു. രാജ്ഭവനില്‍ ആര്‍.എസ്.എസ് സ്ഥാപകന്‍ ഹെഡ്‌ഗേവര്‍, രണ്ടാം സര്‍ സംഘ്ചാലക് ഗോള്‍വാള്‍ക്കര്‍ എന്നിവരുടെ ചിത്രം സ്ഥാപിച്ചപ്പോഴും കാര്യമായ പ്രതികരണമൊന്നും സര്‍ക്കാറിന്റെ ഭാഗത്തു നിന്നുണ്ടായില്ല. എസ്.എഫ്.ഐയുടെ ഭാഗത്തു നിന്നുള്ള ചില സമരപരിപാടികള്‍ മാത്രമേ നടന്നിട്ടുള്ളൂ.
Read more