സുരേന്ദ്രനുള്ള അവസരം പിണറായി ഇല്ലാതാക്കി; പാണക്കാട് തങ്ങൾക്കെതിരായ പരാമർശത്തിൽ രാഹുൽ മാങ്കൂട്ടത്തിൽ

പാലക്കാട്: മുസ്‌ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങൾക്കെതിരേയുള്ള മുഖ്യമന്ത്രി പിണറായ വിജയന്റെ പ്രസ്താവനക്കെതിരെ രൂക്ഷ പരിഹാസവുമായ പാലക്കാട്ടെ യു.ഡി.എഫ് സ്ഥാനാർത്ഥി രാഹുൽ മാങ്കൂട്ടത്തിൽ.

പാണക്കാട് തങ്ങൾക്കെതിരെ പിണറായിയുടെ പരാമർശം പൊളിറ്റിക്കൽ അറ്റാക്ക് അല്ല, ഇടയ്ക്കിടെ ഉള്ളിലെ സംഘി പുറത്തേക്ക് വരുന്നതാണെന്നും ബി.ജെ.പി പ്രസിഡന്റ് കെ സുരേന്ദ്രന് സംസാരിക്കാൻ പിണറായി വിജയൻ അവസരം ഇല്ലാതാക്കിയെന്നും രാഹുൽ മാങ്കൂട്ടത്തിൽ പരിഹസിച്ചു.

പി.ആർ ഏജൻസികൾ ഒളിപ്പിച്ച് വെച്ചിരിക്കുന്ന പിണറായി വിജയനിലെ സംഘി ഇടക്ക് പുറത്തേക്ക് വരുകയാണെന്നും കെ സുരേന്ദ്രൻ പറയേണ്ട രീതിയിലുള്ള പ്രതികരണമാണ് പിണറായി പറഞ്ഞതെന്നും രാഹുൽ പറഞ്ഞു. സാദിഖലി തങ്ങൾ ജമാഅത്തെ ഇസ്‌ലാമിയുടെ ഒരു അനുയായിയുടെ മട്ടിൽ പെരുമാറുന്നയാളാണെന്നായിരുന്നു പിണറായിയുടെ പരാമമർശം.