മലപ്പുറം– നിലമ്പൂര്‍ ഉപതെരഞ്ഞെടുപ്പ് പി.വി അന്‍വറിന്റെ പത്രിക തള്ളിയെന്ന് റിപ്പോര്‍ട്ട്.തൃണമൂല്‍ കോണ്‍ഗ്രസ് സ്ഥാനാര്‍ഥിയായി മത്സരിക്കാനുള്ള പത്രികയാണ് തള്ളിയത്. തെരഞ്ഞെടുപ്പില്‍ അന്‍വറിന് സ്വതന്ത്ര സ്ഥാനാര്‍ഥിയായി മത്സരിക്കാം. ടി.എം.സി സ്ഥാനാര്‍ഥിയായി മത്സരിക്കാന്‍ സമര്‍പ്പിച്ച പത്രികയില്‍ സാങ്കേതിക പ്രശ്‌നമുണ്ടെന്ന് ഉദ്യോഗസ്ഥര്‍ അറിയിച്ചു. തൃണമൂല്‍ ദേശീയപാര്‍ട്ടി അല്ലാത്തതിനാല്‍ നോമിനേഷനില്‍ 10 പേര്‍ ഒപ്പ് വെക്കണമായിരുന്നു. അത് ചെയ്തിട്ടില്ലെന്ന് കണ്ടെത്തിയതിനെ തുടര്‍ന്നാണ് പത്രിക തള്ളിയിരിക്കുന്നത്. അതേ സമയം പത്രികയിന്മേല്‍ കൂടുതല്‍ ചര്‍ച്ചകള്‍ നടക്കുകയാണെന്നും റിപ്പോര്‍ട്ടുണ്ട്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group