പ്ലസ് ടു പ്രാക്ടിക്കൽ പരീക്ഷാദിവസം ജെ.ഇ.ഇ മെയിൻ പരീക്ഷയും; വിദ്യാർഥികൾ ആശങ്കയിൽ

ആലപ്പുഴ-പ്ലസ്ടു വിദ്യാർഥികളുടെ പ്രാക്ടിക്കൽ പരീക്ഷാ ദിവസങ്ങളിൽ ജെ ഇ ഇ മെയിൻ പരീക്ഷയും നടക്കുമെന്ന അറിയിപ്പുവന്നതോടെ വിദ്യാർഥികൾ ആശങ്കയിൽ. പ്ലസ് ടു കേരള സിലബസിൽ പഠിക്കുന്ന വിദ്യാർഥികളുടെ പ്രാക്ടിക്കൽ പരീക്ഷ ജനുവരി 22 മുതൽ ആരംഭിക്കുമെന്ന് നേരത്തെ പരീക്ഷാ ബോർഡ് പ്രഖ്യാപിച്ചിരുന്നു. 22 മുതൽ ഒരാഴ്ചക്കാലത്തോളം പ്രാക്ടിക്കൽ പരീക്ഷയുണ്ടാകും. ഇതേ കാലയളവിൽ ജെ ഇ ഇ മെയിൻ പരീക്ഷ നടത്തുന്നതായ അറിയിപ്പ് കഴിഞ്ഞദിവസമാണ് സൈറ്റിൽ ലഭ്യമായത്. പല ജില്ലകളിലും പ്രാക്ടിക്കൽ പരീക്ഷ തുടങ്ങുന്ന 22നാണ് ജെ ഇ ഇ മെയിൻ പരീക്ഷയും. ഇരുപരീക്ഷകളിലും പങ്കെടുക്കേണ്ട വിദ്യാർഥികൾ ആശയക്കുഴപ്പത്തിലായിരിക്കുകയാണ്.