തലശ്ശേരി- പാറാലിലെ സഫാ കോട്ടോത്തില് പി.കെ സെയ്ദ് (58) നിര്യാതനായി. മക്കാത്തി ഗ്രൂപ്പ് ചെയര്മാനാണ്. പാല്ക്കണ്ടി കോട്ടോത്ത് തറവാട്ടില് നിന്നും അമേരിക്കന് നഗരങ്ങളോളം വളര്ന്ന പ്രമുഖ വ്യവസായിയാണ് മെക്കാത്തി കാര്ഗോ ചെയര്മാന് കൂടിയായ പി.കെ സെയ്ദ്.
നിരവധി സാമൂഹ്യ സേവന സംഘടനകളുമായ് സെയ്ദ് കൈകോര്ത്ത് പ്രവര്ത്തിച്ച് വരികയായിരുന്നു. ബംഗളുരുലിലെ എസ്.ടി.സി.എച്ച് പാലിയേറ്റീവ് ഹോം കെയര് ആരംഭിച്ച അന്നുമുതല് പ്രതിമാസം അദ്ദേഹം നല്ലൊരു തുക ഈ സംരംഭത്തിന് നല്കി വരികയായിരുന്നു. സമൂഹ വിവാഹം, വിദ്യാഭ്യാസ സ്കോളര്ഷിപ്പ്, റംസാനിലെ റിലീഫ് പ്രവര്ത്തനങ്ങള്,കോവിഡ് കാലത്ത് നല്കിയ ഒട്ടനവധി സാമൂഹ്യ പ്രവര്ത്തനങ്ങളൊക്കെ സെയ്ദിന്റെ കണക്ക് പുസ്തകത്തിലെ ഒരിക്കലും മറക്കാനാവാത ഏടാണ്.
കഴിഞ്ഞ കുറച്ചു നാളുകളായി അസുഖ ബാധിതനായിരുന്ന സെയ്ദ് കോഴിക്കോട് സ്വകാര്യ ആശുപത്രിയില് ചികിത്സയിലായിരുന്നു. കിടപ്പ് രോഗികൾക്ക് ആശ്വാസമെത്തിച്ച അദ്ദേഹം നിരവധി വിദ്യാർത്ഥികൾക്ക് പഠന സഹായവും നൽകി.
പാറാലിലെ പരേതരായ പരേന്റെവിടെ അബ്ദുള് ഖാദറിന്റെയും കോട്ടോത്ത് മാഞ്ഞുമ്മയുടെയും മകനാണ് . ഭാര്യമാര്: മുബഷിറ, ആയിശ, അഫ്ഷാന്. മക്കള്: ഷഹസീബ്, ഷബര്ബാന്, ഷഹറിന്, റോഷന്, ഷര്മിള, രാഹുല്.
സഹോദരന്: കോട്ടോത്ത് ഖാലിദ്, ജമീല. ഖബറടക്കം തലശ്ശേരി സെയ്ദാര് പള്ളി ഖബര്സ്ഥാനില് നാളെ വൈകിട്ട് നടക്കും.