പാലക്കാട് ഉപതെരഞ്ഞെടുപ്പ് തിയ്യതി മാറ്റി

• കല്പ്പാത്തി രഥോത്സവം നടക്കുന്നതിനാൽ നവംബർ 13-ലെ വോട്ടെടുപ്പ് 20-ലേക്ക് മാറ്റിയതായി തെരഞ്ഞെടുപ്പ് കമ്മിഷൻ

ന്യൂഡൽഹി: പാലക്കാട് ഉപതെരഞ്ഞെടുപ്പ് തിയ്യതി മാറ്റി കേന്ദ്ര തെരഞ്ഞെടുപ്പ് കമ്മിഷൻ. ഈമാസം 13ന് നടത്താനിരുന്ന വോട്ടെടുപ്പ് നവംബർ 20-ലേക്കാണ് മാറ്റിയത്.

കല്പ്പാത്തി രഥോത്സവം നടക്കുന്നതിനാൽ നവംബർ 13-ലെ വോട്ടെടുപ്പ് തിയ്യതി മാറ്റണമെന്ന് വിവിധ പാർട്ടികൾ കക്ഷി വ്യത്യാസമില്ലാതെ ആവശ്യപ്പെട്ടിരുന്നു. ഇതേ തുടർന്നാണ് തെരഞ്ഞെടുപ്പ് കമ്മിഷൻ തീരുമാനം പുനപ്പരിശോധിച്ച് പുതിയ തിയ്യതി പ്രഖ്യാപിച്ചത്. അതേസമയം, വോട്ടെണ്ണൽ തിയ്യതിയിൽ മാറ്റമില്ലെന്നും അറിയിപ്പിൽ വ്യക്തമാക്കി.