അബൂദാബി– കേരള സോഷ്യൽ സെന്‍റർ (കെ.എസ്.സി) 2025-26 പ്രവർത്തനകാലയളവിലേക്കുള്ള ഭാരവാഹികളെ തിരഞ്ഞെടുത്തു. സെന്‍റർ ഭരണസമിതി അംഗമായ സ്മിത ധനേഷിനെ ജനറൽ കൺവീനറായും റീന നൗഷാദ്, സബിത എസ്. നായർ, ഹിമ നിധിൻ, നാസിയ ഗഫൂർ, ശ്രീജ ആൻ വർഗീസ് എന്നിവരെ കൺവീനർമാരായും തിരഞ്ഞെടുത്തു. അനു ജോണിന്‍റെ അദ്ധ്യക്ഷതയിൽചേർന്ന ജനറൽ ബോഡിയിൽ കൺവീനർ ഗീത ജയചന്ദ്രൻ 2024-2025 പ്രവർത്തനവർഷത്തെ റിപ്പോർട്ട് അവതരിപ്പിച്ചു.
തുടർന്ന് നടന്ന ചർച്ചയിൽ പ്രിയ ബാലു, ഷൽമ സുരേഷ്, നസീമ അലി എന്നിവർ സംസാരിച്ചു. ജോ. കൺവീനർ പ്രിയങ്ക,സൂസൻ മാത്യു അനുശോചനപ്രമേയം അവതരിപ്പിച്ചു. കേരള സോഷ്യൽ സെന്‍റർ പ്രസിഡൻ്റ്ടി.കെ. മനോജ്, ജനറൽ സെക്രട്ടറി സജീഷ് നായർ, വൈസ് പ്രസിഡൻ്റ് ആർ. ശങ്കർ എന്നിവർ ആശംസകൾ നേർന്നു. ജോയന്‍റ് കൺവീനർ നാസിയ ഗഫൂർ സ്വാഗതവും പുതുതായി തെരഞ്ഞെടുക്കപ്പെട്ട കൺവീനർസബിത എസ്. നായർ നന്ദിയും പറഞ്ഞു.