മലപ്പുറം: ഇസ്ല്ലാമിക ആഘോഷങ്ങളും ചടങ്ങുകളും മതപരമായ അതിര്വര മ്പുകള് ലംഘിച്ച് മുന്നോട്ട് പോകുന്നത് ഗൗരവത്തോടെ കാണണമെന്ന് സമസ്ത കാന്തപുരം വിഭാഗം പ്രസിഡന്റ് ഇ. സുലൈമാന് മുസ്ലിയാര്, ജനറല് സെക്രട്ടറി കാന്തപുരം എ.പി അബൂബക്കര് മുസ്ലിയാര് എന്നിവര് പ്രസ്താവനയില് അഭ്യര്ത്ഥിച്ചു. പൊതുനിരത്തുകളിലും സ്റ്റേജുകളിലം അന്യപുരുഷന്മാര്ക്കിടയില് യുവതികളെ പ്രദര്ശിപ്പിക്കുന്നതും, ഇസ്ലാമികമല്ലാത്ത ആചാരങ്ങളും ആഘോഷരീതികളും കൂട്ടിയിണക്കുന്നതും വിശ്വാസികള്ക്ക് ചേര്ന്നതല്ലെന്നും കാന്തപുരം വിഭാഗം സമസ്ത നേതാക്കള് പ്രസ്താവനയില് പറഞ്ഞു. നബിദിന ആഘോഷങ്ങളില് സ്ത്രീകളെ പങ്കെടുപ്പിച്ചതിന് പിന്നാലെ വിമര്ശനം ഉയര്ന്നതോടെയാണ് മഹല്ലുകള്ക്കും മദ്രസകള്ക്കും നിര്ദേശവുമായി സമസ്ത കാന്തപുരം വിഭാഗം രംഗത്തെത്തിയത്.
പ്രസ്താവനയുടെ പൂര്ണ രൂപം:-
ഇസ്ല്ലാമിക ആഘോഷങ്ങളും ചടങ്ങുകളും മതപരമായ അതിര്വരമ്പുകള് ലംഘിച്ച് മുന്നോട്ട് പോകുന്നത് ഗൗരവത്തോടെ കാണണമെന്ന് സമസ് കേരള ജംഇയ്യത്തുല് ഉലമ പ്രസിഡന്റ് ഇ. സുലൈമാന് മുസ്ലിയാര്, ജനറല് സെക്രട്ടറി കാന്തപുരം എ.പി അബൂബക്കര് മുസ്ലിയാര് എന്നിവര് പ്രസ്താവനയില് അഭ്യര്ത്ഥിച്ചു. ഇത്തരം പരിപാടികള് തികച്ചും ഇസ്ലാമിക മാനദണ്ഡങ്ങള് പാലിച്ചാണ് നടക്കുന്നതെന്ന് ഉറപ്പുവരുത്താന് മഹല്ല് ഭാരവാഹികളും പള്ളി, മദ്റസ, മറ്റ് സ്ഥാപനങ്ങള്, സംഘടനകള് എന്നിവരുടെ നേതൃത്വവും പ്രത്യേക ജാഗ്രത പുലര്ത്തണമെന്ന് നേതാക്കള് ഓര്മ്മിപ്പിച്ചു.
പൊതുനിരത്തുകളിലും സ്റ്റേജുകളിലൂട് അന്യപുരുഷന്മാര്ക്കിടയില് യുവതികളെ പ്രദര്ശിപ്പിക്കുന്നതും, ഇസ്ലാമികമല്ലാത്ത ആചാരങ്ങളും ആഘോഷരീതികളും കൂട്ടിയിണക്കുന്നതും വിശ്വാസികള്ക്ക് ചേര്ന്നതല്ലെന്നും അത് അനുവദനീയമല്ലെന്നും നേതാക്കള് ചൂണ്ടിക്കാട്ടി.
മതകീയ മൂല്യങ്ങളും അച്ചടക്കവും കാത്തുസൂക്ഷിച്ചുകൊണ്ട് മാത്രമായിരിക്കണം മഹല്ല് തലത്തിലും അല്ലാതെയും നടക്കുന്ന മുഴുവന് പരിപാടികളും സംഘടിപ്പി ക്കേണ്ടതെന്നും, വരും തലമുറയിലേക്ക് സന്മാര്ഗികമായ മാതൃകകള് പകര്ന്നുനല്കാന് എല്ലാവരും ബാധ്യസ്ഥരാണെന്നും നേതാക്കള് വ്യക്തമാക്കി.