ആലപ്പുഴ: സിപിഎം അംഗങ്ങള്‍ പിന്തുണച്ചതോടെ രാമങ്കരി പഞ്ചായത്തില്‍ കോണ്‍ഗ്രസിന് പ്രസിഡന്റ് സ്ഥാനം ലഭിച്ചു. കോണ്‍ഗ്രസിലെ ആര്‍ രാജുമോനാണ് പ്രസിഡന്റ് തെരഞ്ഞെടുപ്പില്‍ വിജയിച്ചത്.
കഴിഞ്ഞ ദിവസം സിപിഎം വിമതരായ പഞ്ചായത്ത് പ്രസിഡന്‍റിനും വൈസ് പ്രസിഡന്‍റിനുമെതിരെ കോണ്‍ഗ്രസ് അവതരിപ്പിച്ച അവിശ്വാസ പ്രമേയത്തെ സിപിഎം ഔദ്യോഗിക വിഭാഗത്തിലെ നാല് അംഗങ്ങള്‍ പിന്തുണച്ചിരുന്നു.
സിപിഎം ഔദ്യോഗിക പക്ഷത്തെ ഈ നാല് അംഗങ്ങളാണ് പ്രസിഡന്റ് തിരഞ്ഞെടുപ്പില്‍ കോണ്‍ഗ്രസിനെ പിന്തുണച്ചത്. വിമതരെ പുറത്താക്കാന്‍ സഹായിച്ചതിനു പ്രത്യുപകാരമായാണ് പ്രസിഡന്റ് തെരഞ്ഞെടുപ്പില്‍ കൊണ്‍ഗ്രസ് സ്ഥാനാര്‍ഥിയെ ഇവര്‍ പിന്തുണച്ചതെന്നാണ് വിവരം.