തിരുവനന്തപുരം: സംസ്ഥാനത്തെ മഴക്കെടുതിയില് നാശനഷ്ടമുണ്ടായവര്ക്ക് ധനസഹായം പ്രഖ്യാപിച്ച് മുഖ്യമന്ത്രി വി ഡി സതീശന്. മരിച്ചവരുടെ കുടുംബത്തിന് 8 ലക്ഷം രൂപ സഹായം നല്കുമെന്ന് അദ്ദേഹം വ്യക്തമാക്കി. പൂര്ണമായും കേടുപാടുകള് സംഭവിച്ച വീടുകള്ക്ക് 6 ലക്ഷം രൂപയും വീടും സ്ഥലവും നഷ്ടമായവര്ക്ക് 12 ലക്ഷവും അനുവദിക്കും. വീട്ടില് വെള്ളം കയറിയ എല്ലാവര്ക്കും 10,000 രൂപ നല്കുമെന്നും സംസ്കാര കര്മ്മങ്ങള്ക്കും 10000 രൂപ നല്കുമെന്നും മുഖ്യമന്ത്രി പറഞ്ഞു. 1882 ഹെക്ടര് ഭൂമിയില് കൃഷിനാശം സംഭവിച്ചെന്നും അതിനായി 6.44 കോടിരൂപ സര്ക്കാര് അനുവദിക്കുമെന്നും മുഖ്യമന്ത്രി വാര്ത്താസമ്മേളനത്തില് പറഞ്ഞു.
2024ല് തൃശൂരില് കാലവര്ഷക്കെടുതിയില് ബാക്കി നല്കാനുള്ള ധനസഹായം അനുവദിച്ചു. കാലവര്ഷക്കെടുതിയില് 26പേര് മരിച്ചു. 11 പേര്ക്ക് പരിക്കേറ്റു. നാലു പേരെ കാണാനില്ല. സംസ്ഥാനത്ത് 462 ക്യാമ്പുകള് പ്രവര്ത്തിക്കുന്നുണ്ടെന്നും മുഖ്യമന്ത്രി അറിയിച്ചു. മന്ത്രിസഭായോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു മുഖ്യമന്ത്രി.