കാമറയുള്ള കണ്ണടയുമായി ശ്രീപത്മനാഭസ്വാമി ക്ഷേത്രത്തിൽ; ദൃശ്യങ്ങൾ പകർത്തിയെന്ന് വിവരം

തിരുവനന്തപുരം– ക്യാമറയുള്ള കണ്ണടയുമായി ശ്രീപത്മനാഭസ്വാമി ക്ഷേത്രത്തിൽ പ്രവേശിച്ചയാൾ പിടിയിൽ. ​ഗുജറാത്ത് അ​ഹ്മദാബാദ് സ്വദേശി സുരേന്ദ്രയാണ് പിടിയിലായത്. കണ്ണടയിൽ ലൈറ്റ് കത്തുന്നത് ശ്രദ്ധയിൽ പെട്ട സുരക്ഷാ ജീവനക്കാരൻ കണ്ടതോടെയാണ് കള്ളി വെളിച്ചത്താവുന്നത്.

ക്ഷേത്രത്തിനകത്തെന ഉൾഭാ​ഗത്തെ ചില ദൃശ്യങ്ങൾ ക്യാമറയിൽ പതിഞ്ഞെന്നാണ് ലഭിക്കുന്ന വിവരം. ​ഗൂ​ഗിൾ സ്മാർട്ട് ​ഗ്ലാസ് ആണ് ഇയാൾ ഉപയോ​ഗിച്ചത്. ശ്രീ കോവിലിന്റെ ഭാ​ഗത്ത് വെച്ചാണ് ക്ഷേത്ര​ഗാർഡിന്റെ ശ്രദ്ധയിൽപ്പെട്ടത്. സംഭവത്തിൽ ഫോർട്ട് പോലീസ് കേസെടുത്തു.