ബസ് യാത്രയ്ക്കിടെ മോശം പെരുമാറ്റം; കണ്ടക്ടറെ ചെരിപ്പൂരി അടിച്ച് പെൺകുട്ടികൾ, വീഡിയോ വൈറൽ

രത്‌നഗിരി: ബസ് യാത്രയ്ക്കിടെ കണ്ടക്ടർ മോശമായി പെരുമാറിയതിന് ചെരിപ്പൂരി അടിച്ച് പെൺകുട്ടികൾ. സ്‌കൂളിലേക്ക് പോകുന്നതിനിടെയാണ് ബസിൽ വച്ച് കണ്ടക്ടറിൽനിന്നും പെൺകുട്ടിക്ക് മോശമായ അനുഭവം ഉണ്ടായത്.

ഉടനെ ബസ് നിർത്തിച്ച് കണ്ടക്ടറെ റോഡിലിറക്കി പെൺകുട്ടികൾ ചെരിപ്പഴിച്ച് അടിക്കുകയായിരുന്നു. മഹരാഷ്ട്രയിലെ രത്‌നഗിരി ജില്ലയിൽനിന്നുള്ള ഈ സംഭവം സമൂഹമാധ്യമങ്ങളിൽ വൈറലാണ്.

പെൺകുട്ടിയും സുഹൃത്തുമാണ് കണ്ടക്ടറുടെ മോശം പെരുമാറ്റത്തിനെതിരെ ശക്തമായി പ്രതികരിച്ചത്. ഇവർക്ക് പിന്തുണയുമായും പെൺകുട്ടികളുടെ ധൈര്യത്തെ പ്രശംസിച്ചും നിരവധി പേരാണ് സമൂഹമാധ്യമത്തിൽ പ്രതികരിച്ചത്.