മലപ്പുറത്തുനിന്ന് ബാംഗ്ലൂരുവിലേക്ക് പോയ കെ.എസ്.ആർ.ടി.സി ബസ് അപകടത്തിൽ പെട്ടു; ഡ്രൈവർക്ക് ദാരുണാന്ത്യം

മലപ്പുറം / മൈസൂർ: മലപ്പുറത്ത് നിന്ന് ബാംഗ്ലൂരുവിലേക്ക് പുറപ്പെട്ട കെ.എസ്.ആർ.ടി.സി സൂപ്പർ ഡീലക്‌സ് ബസ് കർണാടകയിൽ അപകടത്തിൽ പെട്ടു. അപകടത്തിൽ മലപ്പുറം ഡിപ്പോയിലെ ഡ്രൈവർക്ക് ദാരുണാന്ത്യം. തിരൂർ വൈലത്തൂർ സ്വദേശി പാക്കര ഹസീബ് ആണ് മരിച്ചത്.

ബസിലുണ്ടായിരുന്ന മറ്റു യാത്രക്കാർ സുരക്ഷിതരാണെന്നാണ് വിവരം. ഇന്ന് പുലർച്ചെ നാലോടെ മൈസൂർ നഞ്ചൻകോടിന് സമീപം മധൂരിൽ ബസ് നിയന്ത്രണം വിട്ട് ഡിവൈഡറിൽ ഇടിച്ചു കയറുകയായിരുന്നു. ഇന്നലെ വൈകീട്ടാണ് ബസ് മലപ്പുറം ഡിപ്പോയിൽനിന്നും പുറപ്പെട്ടത്.