കര്ണാടക– കര്ണാടക വിജയപുരയിലെ കാനറ ബാങ്ക് ബ്രാഞ്ചില് 51 കോടി രൂപയുടെ സ്വര്ണവും അഞ്ച് ലക്ഷത്തിലധികം രൂപയും കൊള്ളയടിച്ചു. രാജ്യം കണ്ട ഏറ്റവും വലിയ ബാങ്ക് കവര്ച്ചകളില് ഒന്നാണിത്. കഴിഞ്ഞ ആറു മാസത്തിനിടെ കര്ണാടകയില് ബാങ്ക് കൊള്ളയുടെ ഒരു പരമ്പര തന്നെ ഉണ്ടായിട്ടുണ്ട്. അതില് ഒടുവിലത്തേതാണ് വിജയപുരയിലേത്.
ബാങ്കിന്റെ ഏറ്റവും പിന്നിലെ ലോക്കറില് നിന്നാണ് ഇത്ര വലിയ അളവിലുള്ള സ്വര്ണം മോഷണം പോയതായി കണ്ടെത്തിയിരിക്കുന്നത്. ലോക്കറിലുണ്ടായിരുന്ന 5,20,000 രൂപയും മോഷണം പോയിട്ടുണ്ട്. മാസാവസാനം ബാങ്കില് നടത്തിയ കണക്കെടുപ്പിലാണ് ഇത്രയും സ്വര്ണം മോഷണം പോയത് മനസ്സിലാക്കിയത്. സി.സി.ടി.വി ദൃശ്യങ്ങള് പരിശോധിച്ചപ്പോള് മെയ് 23 മുതല് മെയ് 25 വരെയുള്ള ദിവസങ്ങളില് ഓഫായിരുന്നെന്ന് കണ്ടെത്തിയിന്നാണ് ബാങ്ക് ജീവനക്കാര് നല്കിയ മൊഴി. രണ്ട് ദിവസത്തെ അവധി മുന്നില് കണ്ടാണ് മോഷ്ടാക്കള് സ്വര്ണം കടത്താന് ഈ സമയം തെരഞ്ഞെടുത്തതെന്നാണ് ഊഹം.
ബാങ്കിലെ സേഫ്റ്റി അലാറാം, സി.സി.ടി.വി എന്നിവ ഓഫായിരുന്നു. നെറ്റ് വര്ക്ക് വീഡിയോ റെക്കോര്ഡര് മോഷ്ടാക്കള് കൊണ്ടു പോയി. സ്ഥലത്തെ സെക്യൂരിട്ടി വരെ ഒന്നുമറിഞ്ഞില്ലെയെന്നാണ് മൊഴി. ആര് മോഷണം നടത്തിയെന്നോ ഇത്രയധികം സ്വര്ണം എങ്ങനെ കടത്തിയെന്നോ പോലീസ് യാതൊരു സൂചനയുമില്ല. മോഷണം റിപ്പോര്ട്ട് ചെയ്യാന് വൈകിയതും പോലീസിന് തലവേദനയായിരിക്കുകയാണ്. എട്ട് പേരടങ്ങുന്ന സംഘമാണ് മോഷണം നടത്തിയതെന്നാണ് വിജയപുര എസ്.പി ലക്ഷ്മണ് നിംബാര്ഗിയുടെ നിഗമനം. സംഭവത്തില് മൂന്ന് പേരടങ്ങുന്ന എട്ടം സംഘങ്ങള് അന്യേഷണം നടത്തും.