ന്യൂഡൽഹി– എഎഫ്‌സി ഏഷ്യൻ കപ്പ് 2027 യോഗ്യതാ മത്സരങ്ങൾക്കായി ഇന്ത്യൻ പുരുഷ ഫുട്ബോൾ ടീമിന്റെ ഹെഡ് കോച്ച് ഖാലിദ് ജമീൽ 30 അംഗ സാധ്യതാ ടീമിനെ പ്രഖ്യാപിച്ചു.
സെപ്റ്റംബർ 20-ന് ബെംഗളൂരുവിൽ ആരംഭിക്കുന്ന മുന്നൊരുക്ക ക്യാമ്പിനായി കളിക്കാർ ഒരു ദിവസം മുമ്പ് റിപ്പോർട്ട് ചെയ്യും. പരിചയസമ്പന്നരും യുവതാരങ്ങളും ഒന്നിക്കുന്ന ടീമിൽ നായകൻ സുനിൽ ഛേത്രി മടങ്ങിയെത്തി. മുന്നേറ്റനിരയിൽ വിക്രം പ്രതാപ് സിംഗ്, പാർഥിബ് ഗോഗോയ് തുടങ്ങിയവരും ഉൾപ്പെട്ടു. ഗോൾകീപ്പിങ് ഉത്തരവാദിത്തം ഗുർപ്രീത് സിംഗ് സന്ധുവും അമരീന്ദർ സിംഗും വഹിക്കും.
ടീമിൽ ഏഴ് മലയാളി താരങ്ങൾ ഇടംനേടി. കാഫ കപ്പിൽ കളിച്ച ഉവൈസ്, ആശിഖ്, ജിതിൻ എന്നിവർക്കൊപ്പം അണ്ടർ-23ൽ തിളങ്ങിയ ഐമൻ, വിബിൻ, സുഹൈൽ, സനാൻ എന്നിവരും ടീമിലുണ്ട്.
ഒക്ടോബർ 9-ന് സിംഗപ്പൂരിലെ എവേ മത്സരത്തിനും ഒക്ടോബർ 14-ന് ഗോവയിലെ മഡ്ഗാവിൽ നടക്കുന്ന ഹോം മത്സരത്തിനും മുമ്പ് ഈ ടീമിൽ നിന്ന് അന്തിമ സ്‌ക്വാഡ് തിരഞ്ഞെടുക്കും.
മോഹൻ ബഗാൻ എസ്‌ജി, എഫ്‌സി ഗോവ താരങ്ങൾ എഎഫ്‌സി ചാമ്പ്യൻസ് ലീഗ് ടു മത്സരങ്ങൾ കാരണം ക്യാമ്പിൽ പിന്നീട് ചേരും. രണ്ട് അണ്ടർ-23 താരങ്ങൾ ഉൾപ്പെടെ അഞ്ച് കളിക്കാർ സ്റ്റാൻഡ്‌ബൈ ലിസ്റ്റിൽ ഉൾപ്പെട്ടിട്ടുണ്ട്, അവരുടെ പേര് പിന്നീട് പ്രഖ്യാപിക്കും.
ഇന്ത്യയുടെ സാധ്യതാ ടീം:
Goalkeepers: Amrinder Singh, Gurmeet Singh, Gurpreet Singh Sandhu.
Defenders: Anwar Ali, Bikash Yumnam, Chinglensana Singh Konsham, Hmingthanmawia Ralte, Muhammed Uvais, Pramveer, Rahul Bheke, Ricky Meetei Haobam, Roshan Singh Naorem.
Midfielders: Ashique Kuruniyan, Danish Farooq Bhat, Jeakson Singh Thounaojam, Jithin MS, Macarton Louis Nickson, Mahesh Singh Naorem, Mohammed Aimen, Nikhil Prabhu, Suresh Singh Wangjam, Vibin Mohanan.
Forwards: Irfan Yadwad, Lallianzuala Chhangte, Manvir Singh (jr), Mohammed Sanan K, Muhammed Suhail, Parthib Gogoi, Sunil Chhetri, Vikram Partap Singh.