അബുദാബി: യുഎഇ പൗരൻമാർക്കും രാജ്യത്ത് താമസിക്കുന്ന വിദേശികൾക്കുമിടയിൽ ഐക്യവും ദേശിയ മൂല്യങ്ങളും പ്രോൽസാഹിപ്പിക്കുന്നതിനായി ആരംഭിച്ച പുതിയ ദേശീയ പ്രതിജ്ഞ സംരംഭം ശ്രദ്ധേയമായി മുന്നേറുന്നു. മെയ് മാസത്തിൽ അബുദാബി എനർജി സെന്ററിൽ നടന്ന ചടങ്ങിൽ സഹിഷ്ണുതാ, സഹവർത്തിത്വ മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ ആണ് പ്രതിജ്ഞയും പ്രതിജ്ഞാബദ്ധതയും എന്ന സംരംഭത്തിന് തുടക്കം കുറിച്ചത്. പൗരന്മാർ, താമസക്കാർ, വിദ്യാർത്ഥികൾ, അക്കാദമിക് വിദഗ്ധർ, നിക്ഷേപകർ, ബിസിനസ്സ് നേതാക്കൾ, വൈവിധ്യമാർന്ന സമൂഹങ്ങളുടെ പ്രതിനിധികൾ എന്നിവരുൾപ്പെടെ രാജ്യത്തുടനീളമുള്ള 4,800 ൽ അധികം പേർ ഉദ്ഘാടനത്തിൽ പങ്കെടുത്തു. അതിനുശേഷം, pledge.ae-യിലെ ഒരു സമർപ്പിത ഡിജിറ്റൽ പ്ലാറ്റ്ഫോം വഴി രാജ്യത്തുള്ള ഏതൊരാൾക്കും വളരെ എളുപ്പത്തിൽ ഈ പ്രതിഞയുടെ ഭാഗമാകാൻ സാധിക്കും.
യുഎഇ നേതൃത്വത്തോടുള്ള വിശ്വസ്തത പ്രകടിപ്പിക്കാനും രാജ്യത്തോട് തങ്ങൾ അനുഭാവം പുലർത്തുന്നുവെന്ന ബോധം വീണ്ടും ഉറപ്പിക്കാനുമുള്ള അവസരം പൗരന്മാർക്കും താമസക്കാർക്കും ഈ സംരംഭം നൽകുന്നു. സഹവർത്തിത്വവും ഐക്യവും പ്രോത്സാഹിപ്പിക്കുക, പ്രസിഡന്റിന്റെ നേതൃത്വ മൂല്യങ്ങളിൽ നിന്ന് പ്രചോദനം ഉൾക്കൊള്ളുക, പൗര ഉത്തരവാദിത്തവും ദേശീയ സ്വത്വവും ശക്തിപ്പെടുത്തുക, രാജ്യത്തിന്റെ നേട്ടങ്ങൾക്ക് നന്ദി പ്രകടിപ്പിക്കുക എന്നീ നാല് തൂണുകളിലാണ് ഈ പ്രതിഞ്ജ വിഭാവനം ചെയ്തിരിക്കുന്നത്. യുഎഇയോടും അതിന്റെ നേതൃത്വത്തോടുമുള്ള വിശ്വസ്തതയുടെ ഹൃദയംഗമമായ പ്രഖ്യാപനമാണ് ഈ പ്രതിജ്ഞ. സമാധാനത്തോടെ ജീവിക്കുന്നതിനും, ദേശീയ മൂല്യങ്ങൾ ഭാവി തലമുറകൾക്ക് കൈമാറുന്നതിനും, രാജ്യത്തിന്റെ തുടർച്ചയായ പുരോഗതിക്ക് സംഭാവന ചെയ്യുന്നതിനുമുള്ള പ്രതിബദ്ധത ഇത് സ്ഥിരീകരിക്കുന്നു.
ഈ പ്രതിജ്ഞയിൽ പങ്കാളിയാകാൻ വെബ് സൈറ്റ് സന്ദർശിക്കേണ്ടതുണ്ട്.അതിനായി മൊബൈലിലോ കംമ്പ്യൂട്ടറിലോ pleadge.ae എന്ന ഔദ്യോഗിക ഡിജിറ്റൽ പ്ലാറ്റ് ഫോം ഒപ്പൺ ചെയ്യുക. ഇതിൽ കാണുന്ന പ്രതിജ്ഞാ വാചകം വായിച്ച് നിങ്ങളുടെ പേരും ആവശ്യമായ വിവരങ്ങളും രേഖപ്പെടുത്തുകയും ഡിജിറ്റലായി ഒപ്പിടുകയും ചെയ്യുക. ഈ പ്രക്രിയയ്ക്ക് വളരെ കുറച്ച് മിനിറ്റുകൾ മാത്രമേ എടുക്കൂ. നിങ്ങൾ അത് പൂർത്തിയാക്കികഴിഞ്ഞാൽ, നിങ്ങളുടെ സോഷ്യൽ മീഡിയ ചാനലുകളിൽ ഡൗൺലോഡ് ചെയ്യാനും പങ്കിടാനും കഴിയുന്ന നിങ്ങളുടെ പേര് അതിൽ ഉൾപ്പെടുത്തിക്കൊണ്ട് ഒരു വ്യക്തിഗത അഭിനന്ദന സർട്ടിഫിക്കറ്റ് നിങ്ങൾക്ക് ലഭിക്കും. ഇത് ഒരു അർത്ഥവത്തായ സ്മാരകമായും യുഎഇയോടുള്ള നിങ്ങളുടെ അഭിമാനം പരസ്യമായി പ്രകടിപ്പിക്കുന്നതിനുള്ള ഒരു ലളിതമായ മാർഗമായും മാറുന്നു.
യുഎഇയിലുടനീളമുള്ള ഐക്യവും ദേശീയതയും ശക്തിപ്പെടുത്തുന്നതിന് കമ്മ്യൂണിറ്റി ഇടപെടൽ, ഡിജിറ്റൽ ഇടപെടൽ, പൊതു പ്രവർത്തനങ്ങൾ എന്നിവ സംയോജിപ്പിച്ച് വിശാലമായ ഒരു ദേശീയ പ്രസ്ഥാനമായി മാറുക എന്നതാണ് ഈ സംരംഭത്തിന്റെ ലക്ഷ്യം. ലോകത്തിന്റെ എല്ലാ കോണുകളിൽ നിന്നുമുള്ള പൗരന്മാരും ദീർഘകാല താമസക്കാരും ഒരേ തെരുവുകളും സ്കൂളുകളും ജോലിസ്ഥലങ്ങളും പങ്കിടുന്ന യുഎഇ പോലുള്ള വൈവിദ്ധ്യമാർന്ന രാജ്യത്ത്, അതിനെയെല്ലാം ഒരുമിച്ച് നിർത്തുന്ന മൂല്യങ്ങളുടെ ഓർമ്മപ്പെടുത്തലായി ഈ ഡിജിറ്റൽ പ്രതിഞ്ജ മാറികഴിഞ്ഞു.