അബുദാബി: അൽഐനിലുണ്ടായ വാഹനാപകടത്തിൽ കണ്ണൂർ സ്വദേശിയായ യുവാവ് മരിച്ചു. അൽ ഐനിൽനിന്നും അബൂദബിയിലേക്ക് വരുന്നവഴി സ്വൈഹാനിലുണ്ടായ അപകടത്തിൽ കണ്ണൂർ കൂത്തുപറമ്പ് ചക്കരക്കൽ സ്വദേശി അബ്ദുൽ ഹക്കീമാ(25)ണ് മരിച്ചത്. കാറും ട്രൈലറും കൂട്ടിയിടിച്ചാണ് അപകടമുണ്ടായത്. തിങ്കാളഴ്ച പുലർച്ചെ ഒരു മണിയോടെയാണ് അപകടം സംഭവിച്ചത്.
സഹോദരനൊപ്പം അൽഐനിൽ ബിസിനസ് ചെയ്തുവരികയായിരുന്നു. അവിവാഹിതനാണ്. പിതാവ്: അബ്ദുൽ ഖാദർ. മാതാവ്: ഹൈറുന്നിസ. സഹോദരങ്ങൾ: അസ്ഹർ(അൽഐൻ), ഹാജറ, ഹസ്ന.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group