ദുബായ്- ഈ മാസം ഇരുപതിന്‌ നടക്കുന്ന തൃശൂർ സി എച്ച് സെന്റർ ആസ്ഥാനത്തിന്റെ ഉദ്ഘാടനം വൻ വിജയമാക്കൻ രംഗത്തിറങ്ങാൻ തൃശൂർ ജില്ലാ കെ എം സി സി യോഗം തീരുമാനിച്ചു. പരമാവധി പ്രവർത്തകരെ ഉദ്ഘാടന ചടങ്ങിനെത്തിക്കാൻ പ്രചാരണം നടത്തും. പ്രസിഡന്റ് ജമാൽ മനയത്തിന്റെ അധ്യക്ഷതയിൽ ചേർന്ന യോഗം ദുബായ് കെഎംസിസി സെക്രട്ടറി സമദ് ചാമക്കാല ഉദ്ഘാടനം ചെയ്തു. സ്റ്റുഡന്റസ് വിങ്ങിന്റെ പ്രവർത്തനോദ്ഘാടനം, വനിതാ വിങ്ങിന്റെ നേതൃത്വ പഠന ക്ലാസ്, പുനഃസംഘടന എന്നിവ നടത്താനും തീരുമാനിച്ചു.
വിവിധ സബ് കമ്മിറ്റികളുടെയും മണ്ഢലം കമ്മിറ്റികളുടെയും പ്രവർത്തനങ്ങളിലൂടെ കൂടുതൽ സജീവമായ പരിപാടികൾ സംഘടിപ്പിക്കാൻ ചർച്ച ചെയ്തു.
സ്റ്റേറ്റ് പ്രവർത്തക സമിതി അംഗം മുഹമ്മദ് വെട്ടുകാട് ചർച്ചക്ക് തുടക്കം കുറിച്ചു. വനിതാ വിങ് കോ ഓർഡിനേറ്റർ ഷമീർ നാട്ടിക, മതകാര്യ വിഭാഗം ചെയർമാൻ ആർ വി എം മുസ്തഫ, സ്പോർട്സ് വിങ് ചെയർമാൻ ഷമീർ പണിക്കത്ത്, എമർജൻസി വിങ് ചെയർമാൻ നൗഫൽ പുത്തൻപുരക്കൽ, മീഡിയ & സാഹിത്യ വിഭാഗം ചെയർമാൻ അഷ്‌റഫ് കൊടുങ്ങല്ലൂർ, മെഡിക്കൽ & ഇൻഷുറൻസ് കോ ഓർഡിനേറ്റർ ബഷീർ പെരിഞ്ഞനം എന്നിവർ ചർച്ചയിൽ പങ്കെടുത്തു സംസാരിച്ചു. ജനറൽ സെക്രട്ടറി ഗഫൂർ പട്ടിക്കര സ്വാഗതവും, ട്രഷറർ ബഷീർ വരവൂർ നന്ദിയും പറഞ്ഞു. “നിയതം” സുവനീറിന്റെ പ്രവർത്തന പുരോഗതി വിലയിരുത്തി.