ദുബായ്- പാറപ്പള്ളിയിലെ പൗര പ്രമുഖനും കാഞ്ഞങ്ങാട് സംയുക്ത മുസ്ലീം ജമാഅത്ത് മുൻ പ്രസിഡണ്ടുമായിരുന്ന പരേതനായ പി.എച്ച് മുഹമ്മദ് കുഞ്ഞി ഹാജിയുടെ ഭാര്യ ഖദീജ ഹജ്ജുമ്മ( 70) അന്തരിച്ചു. ദുബായിലെ സ്വകാര്യ ആശുപത്രിയിൽ തിങ്കളാഴ്ച വൈകിട്ട് മൂന്നര മണിയോടെയാണ് മരണം സംഭവിച്ചത്. ഫെബ്രുവരി പത്തിനാണ് നാട്ടിൽ നിന്നും ദുബായിലുള്ള മക്കളുടെ അരികിലേക്ക് ഖദീജുമ്മ എത്തിയത്. ശാരീരിക അസ്വസ്ഥകൾ കാരണം നാല് ദിവസം മുമ്പാണ് ഖദീജുമ്മയെ ദുബായിലെ ആശുപത്രിയിൽ പ്രവേശിപ്പിച്ചത്. മക്കൾ:ദുബായ് കാസർഗോഡ് ജില്ലാ കെഎംസിസി സെക്രട്ടറി പി എച്ച് ബഷീർ, വ്യസായികളായ പി എച്ച് അബ്ദുൽ റഹിമാൻ, പി എച്ച് നാസർ( ഇരുവരും ഷാർജ) ഫാത്തിബി, റംല, സാജിദ പരേതയായ സുഹറ.
മരുമക്കൾ:അബൂബക്കർ, അബ്ദുറഹിമാൻ വടകരമുക്ക്, ഖാദർ എടത്തോട്, സഫിയ ചിത്താരി, ഹാജറ മണിക്കോത്ത്, സഫിയ വടകരമുക്ക്, പരേതനായ മുഹമ്മദ് കുഞ്ഞി മൗവ്വൽ
നടപടി ക്രമങ്ങൾ പൂർത്തിയാക്കി മൃതദേഹം നാട്ടിൽ കൊണ്ടു പോയി പാറപ്പള്ളി ജുമാ മസ്ജിദ് ഖബർ സ്ഥാനിൽഖബറടക്കും