തടവുകാർക്കും കുട്ടികൾക്കും പെരുന്നാൾ സമ്മാനങ്ങൾ നൽകി ദുബായ് പോലീസ്

ദുബായ് : എമിറേറ്റിലെ വനിതാ തടവുകാർക്കും കുട്ടികൾക്കും ഈദ് വസ്ത്രങ്ങൾ പോലീസ് സമ്മാനമായി നൽകി. ‘നിങ്ങൾ എന്നെ സന്തോഷിപ്പിച്ചു’ എന്ന സംരംഭത്തിന്റെ ഭാഗമായാണ് വസ്ത്രങ്ങൾ വിതരണം ചെയ്തത്. വനിതാ ജയിൽ മേധാവി കേണൽ ജമീല അൽ സഅബി, വനിതാ ശിശുസംരക്ഷണ വിഭാഗം മേധാവി ലെഫ്റ്റനന്റ് കേണൽ ഡോ. അലി മുഹമ്മദ് അൽ മത്രൂഷി ഉൾപ്പെടെ ഒട്ടേറെ ഉന്നത ഉദ്യോഗസ്ഥർ ചടങ്ങിൽ സംബന്ധിച്ചു.

സ്നേഹത്തിന്റെയും സഹിഷ്ണുതയുടെയും മൂല്യങ്ങൾ പ്രോത്സാഹിപ്പിക്കാനാണ് ശ്രമിക്കുന്നതെന്ന് ജമീല അൽ സഅബിപറഞ്ഞു. തടവുകാർക്ക് ആവശ്യമായ ഭക്ഷണം, ആരോഗ്യപരിശോധനകൾ, വിദ്യാഭ്യാസം എന്നിവയെല്ലാം ഉറപ്പാക്കുന്നുണ്ടെന്നും അവർ വ്യക്തമാക്കി.