ദുബായ്: ഈദ് അൽ ഇതിഹാദിന്‍റെ ഭാഗമായി ദുബൈ കെ.എം.സി.സി ഡിസംബർ ഒന്നിന് അൽ നാസർ ലൈസർ ലാൻഡിൽ നടത്തുന്ന ആഘോഷത്തിൽ മുസ്‌ലിം ലീഗ് സംസ്ഥാന പ്രസിഡന്‍റ് പാണക്കാട് സാദിഖലി ശിഹാബ് തങ്ങൾ, പി.കെ. കുഞ്ഞാലിക്കുട്ടി, എം.എ. യൂസുഫലി, മുസ്‌ലിം ലീഗ് സംസ്ഥാന ജനറൽ സെക്രട്ടറി പി.എം.എ സലാം തുടങ്ങിയവരോടൊപ്പം അറബ് പ്രമുഖരും പങ്കെടുക്കുമെന്ന് പ്രോഗ്രാം കമ്മിറ്റി ചെയർമാൻ ഒ.കെ. ഇബ്രാഹിം, ജനറൽ കൺവീനർ അഡ്വ. ഇബ്രാഹിം ഖലീൽ എന്നിവർ അറിയിച്ചു.
ഗായകരായ കൊല്ലം ഷാഫി, ആദിൽ അത്തു, മമ്മാലി രഹന തുടങ്ങിയവർ അവതരിപ്പിക്കുന്ന ഇശൽ നിലാവ്, ദുബൈ കെ.എം.സി.സി സർഗതാരയും വിമൻസ് വിങ്ങിന്‍റെ നേതൃത്വത്തിൽ അവതരിപ്പിക്കുന്ന കുട്ടികളുടെ കലാപരിപാടികളും അരങ്ങേറും. അബുഹൈൽ കെ.എം.സി.സി ആസ്ഥാനത്തു ചേർന്ന സ്വാഗത സംഘം പ്രോഗ്രാം കമ്മിറ്റി യോഗത്തിൽ ഒ.കെ. ഇബ്രാഹിം അധ്യക്ഷത വഹിച്ചു.
ഇസ്മാഈൽ ഏറാമല, പി.വി. നാസർ, സൈനുദ്ദീൻ ചേലേരി, റഹ്‌ദാദ് മൂഴിക്കര, ജലീൽ മഷ്ഹൂർ തങ്ങൾ, ഗഫൂർ പട്ടിക്കര, അഫ്സൽ മട്ടമ്മൽ, മുഹമ്മദ്‌ ഇബ്രാഹിം ചളവറ, സത്താർ മാമ്പ്ര, വി.കെ.നിസാം, മുഹമ്മദ്‌ ശരീഫ്, കെ.സി സിദ്ദീഖ്, മുഹമ്മദ്‌ വെട്ടുകാട്, ഷുക്കൂർ ഉടുമ്പുംതല എന്നിവർ ചർച്ചയിൽ പങ്കെടുത്തു.സലാം കന്യപ്പാടി സ്വാഗതവും അഫ്സൽ മെട്ടമ്മൽ നന്ദിയും പറഞ്ഞു.