ഇരയുടെ കുടുംബം വിട്ടുവീഴ്ച ചെയ്തു, വധശിക്ഷക്ക് വിധിക്കപ്പെട്ട യുവതിയുടെ ശിക്ഷ ജീവപര്യന്തമാക്കി

റാസൽഖൈമ: കൊല്ലപ്പെട്ട വീട്ടമ്മയുടെ കുടുംബം വിട്ടുവീഴ്ച ചെയ്തതോടെ വധശിക്ഷക്ക് വിധിക്കപ്പെട്ട ആഫ്രിക്കൻ യുവതിക്ക് പുതു ജീവൻ. 2010 ൽ നടന്ന കേ​സി​നാ​സ്പ​ദ​മാ​യ സം​ഭ​വത്തിൽ അമ്മയും കുഞ്ഞും കൊല്ലപ്പെട്ടിരുന്നു.

രണ്ടാഴ്ചയായി ജോലിയിൽ പ്രവേശിച്ച ആഫ്രിക്കൻ യുവതി അ​ടു​ക്ക​ള​യി​ൽ ജോ​ലി ചെ​യ്തു​കൊ​ണ്ടി​രി​ക്കെ വീ​ട്ട​മ്മ ഇ​വ​രെ തോ​ളി​ൽത​ട്ടി​വി​ളി​ച്ച​ത്​ ഇ​ഷ്ട​പ്പെ​ടാ​ത്ത​തി​നെ​തു​ട​ർ​ന്നാണ് വീട്ടമ്മയെ കത്തി കൊണ്ട് കുത്തുകയും ആ​ഭ​ര​ണ​ങ്ങ​ളും പ​ണ​വും ക​വ​രു​ക​യും ശേഷം താമസ സ്ഥലത്ത് തീയിടുകയുമായിരുന്നു.
സം​ഭ​വ​ത്തി​ൽ വീ​ട്ടി​ൽ ഉ​റ​ങ്ങി​ക്കി​ട​ന്ന ചെ​റി​യ കു​ഞ്ഞും കൊ​ല്ല​പ്പെട്ടിരുന്നു.

ഏ​ഴു​ല​ക്ഷം ദി​ർ​ഹം ദി​യാ​ധ​നം ന​ൽ​കാ​നു​ള്ള ധാ​രണ പ്രകാരമാണ് കുടുംബം വിട്ട് വീഴ്ച്ചക്ക് തയ്യാറായി വധശിഷ വേണ്ടന്ന് വെച്ചത്. ഇതേ തുടർന്ന് 14 വ​ർ​ഷ​മാ​യി റാ​സ​ൽ​ഖൈമ ജ​യി​ലി​ൽ ക​ഴി​ഞ്ഞു​വ​രി​ക​യാ​യിരുന്ന പ്രതിക്ക് കോടതി പതിനഞ്ച് വർഷം ജീവപര്യന്തം തടവായി ശിക്ഷ കുറക്കുകയായിരുന്നു. നിലവിൽ 14 വ​ർ​ഷ​മാ​യി ത​ട​വ് ശി​ക്ഷ അ​നു​ഭ​വി​ച്ച് വ​രു​ന്ന​തി​നാ​ൽ പ്രതിക്ക് ഒ​രു​വ​ർ​ഷം കൂടി തടവ് അനുഭവിച്ചാൽ ശിക്ഷാ കാലവധി പൂർത്തിയാകും.