ഹബീബുറഹ്മാൻ അനുസ്മരണം സംഘടിപ്പിച്ചു.
ജിദ്ദ- മുസ്ലിം ലീഗിന്റെ വിദ്യാർത്ഥി പ്രസ്ഥാനമായ എം.എസ്.എഫിന്റെ ആദ്യകാല നേതാവും മികച്ച പൊതുപ്രവർത്തകനുമായിരുന്ന പരേതനായ ഹബീബ് റഹ്‌മാന്റെ ഓർമ്മയിൽ ജിദ്ദയിൽ അനുസ്‌മരണ സമ്മേളനം സംഘടിപ്പിച്ചു. ജിദ്ദ കെഎംസിസി സെൻട്രൽ കമ്മറ്റി സംഘടിപ്പിച്ച അനുസ്‌മരണ യോഗത്തിൽ എം എസ് എഫ് സംസ്ഥാന പ്രസിഡന്റ് പികെ നവാസ് മുഖ്യ പ്രഭാഷണം നടത്തി. മുസ്ലിം വിദ്യാർത്ഥി പ്രസ്ഥാനത്തെ ജനകീയമാക്കുന്നതിൽ നിർണായക പങ്കുവഹിച്ച വിദ്യാർത്ഥി നേതാവായിരുന്നു ഹബീബുറഹ്മാൻ എന്ന് അദ്ദേഹം അനുസ്മരിച്ചു. സ്‌കൂളുകളിൽ നിന്ന് ഉന്നത കലാലയങ്ങളിലേക്ക് എംഎസ്എഫിനെ വളർത്തി വലുതാക്കുകയും വിദ്യാർത്ഥികൾക്ക് ധിഷണാപരമായ മാർഗ നിർദേശങ്ങൾ നൽകുന്നതിലും ഹബീബുറഹ്മാൻ വിജയിച്ചുവെന്നും അദ്ദേഹം കൂട്ടിച്ചേർത്തു.
കെഎംസിസി നാഷണൽ ഉപാധ്യക്ഷൻ ഉസ്മാൻ അലി പാലത്തിങ്ങൽ ഉദ്ഘാടനം നിർവഹിച്ചു. ജിദ്ദ സെൻട്രൽ കമ്മറ്റി പ്രസിഡന്റ് അരിമ്പ്ര അബൂബക്കർ അധ്യക്ഷത വഹിച്ചു. നിസാം മമ്പാട് സംസാരിച്ചു. ആക്ടിങ് ജനറൽ സെക്രട്ടറി ഇസ്ഹാഖ് പൂണ്ടോളി സ്വാഗതവും ട്രഷറർ വിപി അബ്ദുറഹിമാൻ നന്ദിയും പറഞ്ഞു. നാസർ വെളിയംകോട്, ഇസ്മായിൽ മുണ്ടക്കുളം, സികെ റസാഖ് മാസ്റ്റർ, ലത്തീഫ് മുസ്ലിയാരങ്ങാടി, അഷ്‌റഫ് താഴേക്കോട്, ജലാൽ തേഞ്ഞിപ്പലം, നാസർ മച്ചിങ്ങൽ, ശിഹാബ് താമരക്കുളം, ഷൗക്കത്ത് ഞ്ഞാറേക്കോടൻ, സുബൈർ വട്ടോളി, ലത്തീഫ് വെള്ളമുണ്ട, ഹുസ്സൈൻ കരിങ്കര, സകീർ നാലകത്ത്, സിറാജ് കണ്ണവം എന്നിവർ പങ്കെടുത്തു.