ദവാദ്മി: കമ്മ്യൂണിസ്റ്റ് പ്രസ്ഥാനത്തിന്റെ സ്ഥാപക നേതാവും, സ്വാതന്ത്ര്യ സമരത്തിന്റെ മുൻനിര പോരാളിയുമായ സഖാവ് പി. കൃഷ്ണപിള്ള യുടെ 76 ാം അനുസ്മരണം ദാവാദ്മിയിൽ സംഘടിപ്പിച്ചു. കഴിഞ്ഞ ദിവസം ദാവാദ്മി കേളി ഓഫീസിൽ ചേർന്ന യോഗത്തിൽ യൂണിറ്റ് എക്സിക്യൂട്ടീവ് അംഗം സുനിൽകുമാർ ആമുഖ പ്രഭാഷണം നടത്തി.
കേളി ദവാദ്മി രക്ഷാധികാരി സമിതി അംഗവും യൂണിറ്റ് പ്രസിഡന്റുമായ രാജേഷ് അധ്യക്ഷനായ യോഗത്തിൽ, കേളി ദാവാദ്മി രക്ഷാധികാരി സമിതി അംഗവും യൂണിറ്റ് സെക്രട്ടറിയുമായ ഉമ്മർ സ്വാഗതം പറഞ്ഞു. യൂണിറ്റ് എക്സിക്യൂട്ടീവ് അംഗം മോഹനൻ അനുസ്മരണ പ്രമേയം അവതരിപ്പിച്ചു.
കേളി കേന്ദ്ര രക്ഷാധികാരി സമിതി അംഗം ചന്ദ്രൻ തെരുവത്ത്, കേളി കേന്ദ്ര കമ്മിറ്റി അംഗവും, കേന്ദ്ര ജീവകാരുണ്യ കൺവീനറുമായ മധു പട്ടാമ്പി, ദാവാദ്മി രക്ഷാധികാരി സമിതി കൺവീനർ ഷാജി പ്ലാവിളയിൽ എന്നിവർ അനുസ്മരണ യോഗത്തിൽ സംസാരിച്ചു.
രക്ഷാധികാരി സമിതി അംഗവും യൂണിറ്റ് ട്രഷററുമായ അബ്ദുസ്സലാം യോഗത്തിനു നന്ദി പറഞ്ഞു.