ജിദ്ദ – ഈ വര്ഷം ആദ്യ പാദത്തില് മാനവശേഷി, സാമൂഹിക വികസന മന്ത്രാലയം വിവിധ പ്രവിശ്യകളിലെ സ്വകാര്യ സ്ഥാപനങ്ങളില് നടത്തിയ പരിശോധനകളില് 1,15,000 ലേറെ തൊഴില് നിയമ ലംഘനങ്ങള് കണ്ടെത്തിയതായി മന്താലയം വെളിപ്പെടുത്തി.
തൊഴില് നിയമവും സൗദിവല്ക്കരണവും മന്ത്രാലയ തീരുമാനങ്ങളും പാലിക്കുന്നുണ്ടെന്ന് ഉറപ്പുവരുത്താന് ആദ്യ പാദത്തില് സ്വകാര്യ സ്ഥാപനങ്ങളില് നാലു ലക്ഷത്തിലേറെ ഫീല്ഡ് പരിശോധനകള് മാനവശേഷി, സാമൂഹിക വികസന മന്ത്രാലയം നടത്തി. ഇക്കാലയളവില് മന്ത്രാലയത്തിന് 14,600 ലേറെ പരാതികള് ലഭിച്ചു. ഇതില് 98.9 ശതമാനവും പരിഹരിച്ചു.
ആദ്യ പാദത്തില് 48,000 ലേറെ സ്വകാര്യ സ്ഥാപനങ്ങള് സ്വയം മൂല്യനിര്ണയ പ്രക്രിയ പൂര്ത്തിയാക്കി. പരിശോധനകള് നടത്തിയതില് 94 ശതമാനം സ്ഥാപനങ്ങളും സൗദിവല്ക്കരണ തീരുമാനങ്ങള് പൂര്ണമായും പാലിക്കുന്നതായി വ്യക്തമായി. 93 ശതമാനം സ്ഥാപനങ്ങള് വേതന സുരക്ഷാ പദ്ധതി പാലിക്കുന്നതായും വ്യക്തമായതായി മാനവശേഷി, സാമൂഹിക വികസന മന്ത്രാലയം അറിയിച്ചു.