ഓഫാക്കാതെ നിർത്തിയ കാർ കവർന്ന സൗദി യുവാവ് അറസ്റ്റിൽ

റിയാദ് – ഓഫാക്കാതെ നിർത്തി ഡ്രൈവർ പുറത്തിറങ്ങിയ തക്കത്തിൽ കാർ കവർന്ന് രക്ഷപ്പെട്ട സൗദി യുവാവിനെ റിയാദ് പോലീസ് അറസ്റ്റ് ചെയ്തു. മറ്റുള്ളവരുടെ ജീവൻ അപകടമുണ്ടാക്കുന്ന രൂപത്തിൽ മോഷ്ടിച്ച കാറുമായി എതിർദിശയിലാണ് യുവാവ് രക്ഷപ്പെട്ടത്. നിയമാനുസൃത നടപടികൾ പൂർത്തിയാക്കി പ്രതിയെ പബ്ലിക് പ്രോസിക്യൂഷന് റഫർ ചെയ്തു. യുവാവ് വാഹനം മോഷ്ടിച്ച് എതിർദിശയിൽ കാറോടിച്ച് രക്ഷപ്പെടുന്നതിന്റെ ദൃശ്യങ്ങൾ അടങ്ങിയ വീഡിയോ ചിത്രീകരിച്ച് സൈബർ ക്രൈം നിയമം ലംഘിച്ച് സാമൂഹികമാധ്യമങ്ങളിൽ പോസ്റ്റ് ചെയ്തയാളെ തിരിച്ചറിഞ്ഞ് അറസ്റ്റ് ചെയ്യാൻ നടപടികൾ സ്വീകരിച്ചുവരുന്നതായും റിയാദ് പോലീസ് അറിയിച്ചു.