ജിദ്ദ- ഏറനാട് മണ്ഡലം – കിഴുപറമ്പ് പഞ്ചായത്തിൽനിന്ന് ഈ വർഷത്തെ ഹജ് സേവനത്തിന് പോയ കെ.എം.സി.സി വളണ്ടിയർമാരെ ജിദ്ദ കിഴുപറമ്പ് പഞ്ചായത്ത് കെ.എം.സി.സി മൊമെന്റോ നൽകി ആദരിച്ചു ജിദ്ദ മലപ്പുറം ജില്ലാ കെ.എം.സി.സി പ്രസിഡന്റ് ഇസ്മായിൽ മുണ്ടുപറമ്പ് ഉദ്ഘാടനം ചെയ്തു. ജില്ലാ ജനറൽ സെക്രട്ടറി നാണി ഇസ്ഹാഖ് മുഖ്യ പ്രഭാഷണം നടത്തി.
ചെയർമാൻ കെ കെ മുഹമ്മദ്, വൈസ് പ്രസിഡന്റ് സൈതലവി പുളിയങ്കോട്, ഏറനാട് മണ്ഡലം ഭാരവാഹികളായ സുൽഫീക്കർ ഒതായി, മൊയ്തീൻ കുട്ടി കാവനൂർ എന്നിവർ സംസാരിച്ചു. കിഴുപറമ്പ് പഞ്ചയാത്ത് കെ.എം.സി.സി പ്രസിഡന്റ് അലി പത്തനാപുരം അധ്യക്ഷത വഹിച്ചു.
പഞ്ചായത്തിൽ നിന്ന് മണ്ഡലത്തിലേക്ക് തിരഞ്ഞെടുത്ത ഏറനാട് മണ്ഡലം രക്ഷാധികാരി എം കെ അഷ്‌റഫ്, മറ്റു ഭാരവാഹികളായ അലി പത്തനാപുരം, സലിം കൂറുമാടൻ, എന്നിവരെയും ഷാൾ അണിയിച്ചു ആദരിച്ചു, പഞ്ചയത്തിലെ യുവ സംരംഭകനായ സർജാസ് തയ്യിലെനെയും നാട്ടിൽ നിന്ന് ഉംറക്ക് വന്ന ജബ്ബാർ വലിയക്കുന്ന് എന്നിവരെയും ആദരിച്ചു. പരിപാടിയിൽ ഗാന സന്ധ്യയും അരങ്ങേറി. കെ എം സി സി കിഴുപറമ്പ് പഞ്ചായത്ത് ജനറൽ സെക്രട്ടറി ഫസൽ റഹ്‌മാൻ കുനിയിൽ സ്വാഗതവും ശഫീക്ക് കീഴുപറമ്പ് നന്ദിയും പറഞ്ഞു, എം പി സമദ്, എം.ടി സഹീർ എന്നിവർ നേതൃത്വം നൽകി