ജിദ്ദ- കെ.എം.സി.സി പാലക്കാട് ജില്ലാ കമ്മിറ്റി ഈ വർഷം ഹജിന് സന്നദ്ധസേവനത്തിന് പോയവർക്ക് സ്നേഹ സംഗമം 2024 എന്ന പേരിൽ സ്നേഹാദരവും പ്രവർത്തക സംഗമവും സംഘടിപ്പിച്ചു
ഷറഫിയ്യ ഇംപീരിയൽ ഓഡിറ്റോറിയത്തിൽ നടന്ന പരിപാടി കെ.എം.സി.സി സൗദി നാഷണൽ ട്രഷററും ഹജ് സെൽ ചെയർമാനുമായ അഹമ്മദ് പാളയാട്ട് ഉദ്ഘാടനം ചെയ്തു. ജിദ്ദ കെ.എം.സി.സി സെൻട്രൽ കമ്മിറ്റി പ്രസിഡന്റ് അബൂബക്കർ അരിമ്പ്ര മുഖ്യ പ്രഭാഷണം നിർവഹിച്ചു. ഫിർദൗസ് വാഫി കൂട്ടിലങ്ങാടി ഉദ്ബോധന പ്രസംഗം നടത്തി.
പാലക്കാട് ജില്ലാ കെ.എം.സി.സി പ്രസിഡന്റ് ഹബീബുള്ള പട്ടാമ്പി അദ്ധ്യക്ഷത വഹിച്ചു. സെൻട്രൽ കമ്മിറ്റി ആക്ടിംഗ് ജന:സെക്രട്ടറി ഇസ്ഹാഖ് പൂണ്ടോളി,ജില്ലാ ചെയർമാൻ ടി പി ഷുഹൈബ്, സെൻട്രൽ കമ്മിറ്റി ഭാരവാഹികളായ നാസർ മച്ചിങ്ങൽ, ശിഹാബ്‌ താമരക്കുളം, സിറാജ് കണ്ണവം, ഹുസൈൻ കരിങ്കറ, സക്കീർ നാലകത്ത് , അഷറഫ് താഴേക്കോട്, ലത്തീഫ് വെള്ളമുണ്ട, സെൻട്രൽ വനിതാ വിങ്ങ് വൈ പ്രസിഡന്റ് സലീന ഇബ്രാഹീം, ജില്ലാ ഓർഗ:സെക്രട്ടറി യൂസഫലി തിരുവേഗപ്പുറ തുടങ്ങിയവർ പ്രസംഗിച്ചു.
ജില്ലാ നേതാക്കളായ ടി.പി സലാം, ഉമർ തച്ചനാട്ടുകര, ഷൗക്കത്ത് ഷൊർണൂർ, മുഹമ്മദലി കാഞ്ഞീരപ്പുഴ, അബ്ദുല്ലക്കുട്ടി എടപ്പലം, സലിം പാലോളി, റഷീദ് കൊമ്പം, ജലീൽ കാഞ്ഞീരപ്പുഴ, ഷാജി പാലക്കടവ്, ഇല്യാസ് പൂരമണ്ണിൽ, യാസർ മാരായമംഗലം, സുഹൈൽ നാട്ടുകൽ, സൈനുദ്ധീൻ തോട്ടശ്ശേരി, റഫീഖ് പാലക്കാട്, റഹീം തരൂർ, നാസർ ആനക്കര, ആബിദ് പട്ടാമ്പി, ഫാരിസ് തച്ചമ്പാറ, ബഷീർ നാലകത്ത്, മുസ്തഫ പട്ടാമ്പി, ഹനീഫ അലനല്ലൂർ, യൂനുസ് തൃത്താല, മുജീബ് എടത്തനാട്ടുകര, റാഫി എ കെ കൊപ്പം, സൈനുൽ ആബിദ് ഒറ്റപ്പാലം, ഫവാസ് ഷൊർണൂർ, നൗഫൽ സിപി ,നജ്മുദ്ധീൻ, റിയാസ് എടത്തനാട്ടുകര, അബ്ദുൽ വാഹിദ് എന്നിവർ സംബന്ധിച്ചു
ഈ വർഷത്തെ ഹജ് വളണ്ടിയർ സേവനത്തിൽ മികച്ച പ്രവർത്തനം കാഴ്ച വെച്ച സലീന ഇബ്രാഹീമിനുള്ള ഉപഹാരം അഹമ്മദ് പാളയാട്ട് നൽകി. പാലക്കാട് ജില്ലയിൽ നിന്നും സേവനത്തിന് പോയ വളണ്ടിയർമാർക്കുള്ള സർട്ടിഫിക്കറ്റ് വിതരണവും നടന്നു. അൻവർ ഫൈസി കാഞ്ഞീരപ്പുഴ ഖിറാഅത്ത്‌ നടത്തി. ജില്ലാ ജന:സെക്രട്ടറി കുഞ്ഞിമുഹമ്മദ് കോട്ടോപ്പാടം സ്വാഗതവും ട്രഷറർ ഷഹീൻ തച്ചമ്പാറ നന്ദിയും പറഞ്ഞു