കെ.എം.സി.സി ദേശീയ ഫുട്ബോൾ, പ്രാഥമിക റൗണ്ട് മൽസരങ്ങൾ വെള്ളിയാഴ്ച അവസാനിക്കും

ജിദ്ദ- ഹൗസ് കെയർ കെ.എം.സി.സി ദേശീയ ഫുട്ബോൾ ടൂർണ്ണമെന്റിന്റെ ലീഗ് കം നോക്കാട്ട് മൽസരങ്ങളുടെ സിഫിനു കീഴിലുള്ള മൽസരങ്ങൾ വെള്ളിയാഴ്ച സമാപിക്കും. ജിദ്ദ കിംഗ് അബ്ദുൽ അസീസ് യൂണിവേഴ്സിറ്റി ( ജാമിഅ ) യിൽ നടക്കുന്ന 6.30 ന് ആരംഭിക്കുന്ന ആദ്യ മൽസരത്തിൽ റീം റിയാൽ കേരളയും ചാംസ് മസാല സബിൻ എഫ്.സിയും ഏറ്റുമുട്ടും.

എട്ടു മണിക്ക് ആരംഭിക്കുന്ന രണ്ടാം മൽസരത്തിൽ എൻ കംഫർട്ട് എ.സി.സിയും എച്ച് എം. ആർ യാമ്പു എഫ് സി യുമായി മാറ്റുരക്കും. ഇരു ടീമുകളും നിരവധി മാറ്റങ്ങളുമായാണ് കളത്തിലിറങ്ങുന്നത്. വൈകീട്ട് 4.30 ന് സ്കൂൾ കുട്ടികളുടെ ടൂർണ്ണമെന്റും വെറ്ററൻസ് മൽസരവും ഒരുക്കിയിട്ടുണ്ടെന്ന് ടൂർണ്ണമെൻറ് കമ്മിറ്റി വാർത്താ കുറിപ്പിൽ വ്യക്തമാക്കി