ജിസാൻ- ജിസാൻ കെ.എം.സി.സി സെൻട്രൽ കമ്മിറ്റി സംഘടിപ്പിച്ച പതിനഞ്ചാമത്‌ വിന്റർ സോക്കർ ഫെസ്റ്റ്‌ ചാമ്പ്യൻഷിപ്പിൽ ഇന്ത്യൻ ഹീറോസ്‌ ജിസാനെ പരാജയപ്പെടുത്തി ലെജന്റ്‌ എഫ്‌.സി ദബിയ ജേതാക്കളായി.നിശ്ചിത സമയത്തും പെനാൾറ്റി ഷൂട്ടൗട്ടിലും തുല്യത പാലിച്ചപ്പോൾ ടോസിലൂടെയാണ് ജേതാക്കളെ നിർണ്ണയിച്ചത്‌. ജിസാനിലെയും ഖമീസ് മുസൈതിലെയും എട്ട്‌ പ്രമുഖ ടീമുകളാണ് ടൂർണ്ണമെന്റിൽ മാറ്റുരച്ചത്. ടൂർണ്ണമെന്റ് കെ.എം.സി.സി സൗദി നാഷണൽ കമ്മിറ്റി സെക്രട്ടറി ഹാരിസ്‌ കല്ലായി ഉദ്ഘാടനം ചെയ്തു. വിവിധ രാഷ്ട്രീയ സന്നദ്ധ സംഘടനാ പ്രതിനിധികളായ ഫൈസൽ മേലാറ്റൂർ(ജല ജിസാൻ)ജിലു ബേബി(ഒ.ഐ.സി.സി ജിസാൻ)ഇസ്മായിൽ മാനു(തനിമ ജിസാൻ)ഷംസീർ സ്വലാഹി(ഇസ്‌ലാഹി സെന്റർ ജിസാൻ)തുടങ്ങി നിരവധി വിശിഷ്ടാതിഥികളും ടൂർണ്ണമന്റ്‌ വീക്ഷിക്കാൻ എത്തിയിരുന്നു.
അൽ-ഫാരിസ്‌ കോൾഡ്‌ സ്റ്റോർ സ്പോൺസർ ചെയ്ത വിന്നേഴ്സ്‌ ട്രോഫി സെൻട്രൽ കമ്മിറ്റി പ്രസിഡന്റ് ശംസു പൂക്കോട്ടൂരും,താജ്‌ ജനൂബിയ ട്രേഡിംഗ്‌ കമ്പനി സ്പോൺസർ ചെയ്ത റണ്ണേഴ്സ് ട്രോഫി സെൻട്രൽ കമ്മിറ്റി ജനറൽ സെക്രട്ടറി ഖാലിദ്‌ പട്ലയും കൈമാറി. ജേതാക്കൾക്കുള്ള മുഗൾ റസ്റ്റോറന്റ് സ്പോൺസർ ചെയ്ത പ്രൈസ്‌ മണി മുഗൾ ഗ്രൂപ്പ്‌ മാനേജിംഗ്‌ ഡയറക്ടർ അബ്ദുൽ ഗഫൂർ മൂന്നിയൂരും,റണ്ണേഴ്സിനുള്ള ഷിഫ ജസീറ പോളിക്ലിനിക്‌ സ്പോൺസർ ചെയ്ത പ്രൈസ്‌ മണി ഷിഫ മാനേജിംഗ്‌ ഡയറക്ടർ ഗഫൂർ വാവൂരും കൈമാറി. ടൂർണ്ണമെന്റിനോടനുബന്ധിച്ച്‌ നടന്ന സ്കൂൾ കുട്ടികളുടെ മത്സരത്തിൽ വിജയികളായ റിയാദ്‌ സബിയ സ്കൂളിനുള്ള വിന്നേഴ്സ്‌ ട്രോഫി സെൻട്രൽ കമ്മിറ്റി ട്രഷറർ ഡോ.മൻസൂർ നാലകത്തും റണ്ണെഴ്സായ എജുനെറ്റ്‌ അറേബ്യക്കുള്ള ട്രോഫി സെൻട്രൽ കമ്മിറ്റി ഓർഗനൈസിംഗ്‌ സെക്രട്ടറി സാദിഖ്‌ മാഷ്‌ മങ്കടയും കൈമാറി. ടൂർണ്ണമെന്റിന്റെ താരമായി ലെജന്റ്‌ എഫ്‌.സി താരം ഷമീം,ടോപ്സ്കോറർ ഫവാസ്‌(ഇന്ത്യൻ ഹീറോസ്‌),ബെസ്റ്റ്‌ ഡിഫൻഡർ ജിൻഷാദ്‌(ലെജന്റ്‌ എഫ്‌.സി)ബെസ്റ്റ്‌ ഗോൾ കീപ്പർ സാദിഖ്‌(ഇന്ത്യൻ ഹീറോസ്‌) എന്നിവരെ ടൂർണ്ണമന്റ്‌ കമ്മിറ്റി തെരഞ്ഞെടുത്തു.ഷൂട്ടൗട്ട്‌ മത്സര വിജയിയായി മുഹമ്മദ്‌ തഷ്‌രീഫ്‌ തെരഞ്ഞെടുക്കപ്പെട്ടു.
സ്പോർട്സ്‌ കൺവീനർ സിറാജ്‌ പുല്ലൂരാമ്പാറയുടെ കോഡിനേഷനിൽ നടന്ന ടൂർണ്ണമെന്റിൽ സെൻട്രൽ കമ്മിറ്റി ഭാരവാഹികളായ നാസർ വി.ടി ഇരുമ്പുഴി, ജസ്‌മൽ വളമംഗലം,ബഷീർ ആക്കോട്‌,കെ.പി ഷാഫി കൊടക്കല്ല്,മൂസ വലിയോറ,നാസർ വാക്കലൂർ,സുൽഫിക്കർ,വളണ്ടിയർ വിംഗ്‌ ക്യാപ്റ്റൻ സമീർ അമ്പലപ്പാറ,സുബൈർ ഷാ,അക്ബർ പറപ്പൂർ തുടങ്ങിയവർ നേതൃത്വം നൽകി.